Skip to main content
Bible Study Resources › Translations › 1 Samuel 12 Text size 19px Width Narrow Wide Theme Light Sepia Dark Save settings Highlight selection Add note Annotate selection
Save reading position
Bible Reader
1 Samuel 12 Open Scriptures Hebrew Bible
Work Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalms Proverbs Ecclesiastes Song Of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
Close Section Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31
1 Samuel 12 1 וַיֹּ֤אמֶר שְׁמוּאֵל֙ אֶל ־ כָּל ־ יִשְׂרָאֵ֔ל הִנֵּה֙ שָׁמַ֣עְתִּי בְקֹֽלְכֶ֔ם לְכֹ֥ל אֲשֶׁר ־ אֲמַרְתֶּ֖ם לִ֑י וָאַמְלִ֥יךְ עֲלֵיכֶ֖ם מֶֽלֶךְ ׃ Copy 2 וְעַתָּ֞ה הִנֵּ֥ה הַמֶּ֣לֶךְ ׀ מִתְהַלֵּ֣ךְ לִפְנֵיכֶ֗ם וַאֲנִי֙ זָקַ֣נְתִּי וָשַׂ֔בְתִּי וּבָנַ֖י הִנָּ֣ם אִתְּכֶ֑ם וַאֲנִי֙ הִתְהַלַּ֣כְתִּי לִפְנֵיכֶ֔ם מִנְּעֻרַ֖י עַד ־ הַיּ֥וֹם הַזֶּֽה ׃ Copy 3 הִנְנִ֣י עֲנ֣וּ בִי֩ נֶ֨גֶד יְהוָ֜ה וְנֶ֣גֶד מְשִׁיח֗וֹ אֶת ־ שׁוֹר֩ ׀ מִ֨י לָקַ֜חְתִּי וַחֲמ֧וֹר מִ֣י לָקַ֗חְתִּי וְאֶת ־ מִ֤י עָשַׁ֨קְתִּי֙ אֶת ־ מִ֣י רַצּ֔וֹתִי וּמִיַּד ־ מִי֙ לָקַ֣חְתִּי כֹ֔פֶר וְאַעְלִ֥ים עֵינַ֖י בּ֑וֹ וְאָשִׁ֖יב לָכֶֽם ׃ Copy 4 וַיֹּ֣אמְר֔וּ לֹ֥א עֲשַׁקְתָּ֖נוּ וְלֹ֣א רַצּוֹתָ֑נוּ וְלֹֽא ־ לָקַ֥חְתָּ מִיַּד ־ אִ֖ישׁ מְאֽוּמָה ׃ Copy 5 וַיֹּ֨אמֶר אֲלֵיהֶ֜ם עֵ֧ד יְהוָ֣ה בָּכֶ֗ם וְעֵ֤ד מְשִׁיחוֹ֙ הַיּ֣וֹם הַזֶּ֔ה כִּ֣י לֹ֧א מְצָאתֶ֛ם בְּיָדִ֖י מְא֑וּמָה וַיֹּ֖אמֶר עֵֽד ׃ פ Copy 6 וַיֹּ֥אמֶר שְׁמוּאֵ֖ל אֶל ־ הָעָ֑ם יְהוָ֗ה אֲשֶׁ֤ר עָשָׂה֙ אֶת ־ מֹשֶׁ֣ה וְאֶֽת ־ אַהֲרֹ֔ן וַאֲשֶׁ֧ר הֶעֱלָ֛ה אֶת ־ אֲבֹתֵיכֶ֖ם מֵאֶ֥רֶץ מִצְרָֽיִם ׃ Copy 7 וְעַתָּ֗ה הִֽתְיַצְּב֛וּ וְאִשָּׁפְטָ֥ה אִתְּכֶ֖ם לִפְנֵ֣י יְהוָ֑ה אֵ֚ת כָּל ־ צִדְק֣וֹת יְהוָ֔ה אֲשֶׁר ־ עָשָׂ֥ה אִתְּכֶ֖ם וְאֶת ־ אֲבוֹתֵיכֶֽם ׃ Copy 8 כַּֽאֲשֶׁר ־ בָּ֥א יַעֲקֹ֖ב מִצְרָ֑יִם וַיִּזְעֲק֤וּ אֲבֽוֹתֵיכֶם֙ אֶל ־ יְהוָ֔ה וַיִּשְׁלַ֨ח יְהוָ֜ה אֶת ־ מֹשֶׁ֣ה וְאֶֽת ־ אַהֲרֹ֗ן וַיּוֹצִ֤יאוּ אֶת ־ אֲבֹֽתֵיכֶם֙ מִמִּצְרַ֔יִם וַיֹּשִׁב֖וּם בַּמָּק֥וֹם הַזֶּֽה ׃ Copy 9 וַֽיִּשְׁכְּח֖וּ אֶת ־ יְהוָ֣ה אֱלֹהֵיהֶ֑ם וַיִּמְכֹּ֣ר אֹתָ֡ם בְּיַ֣ד סִֽיסְרָא֩ שַׂר ־ צְבָ֨א חָצ֜וֹר וּבְיַד ־ פְּלִשְׁתִּ֗ים וּבְיַד֙ מֶ֣לֶךְ מוֹאָ֔ב וַיִּֽלָּחֲמ֖וּ בָּֽם ׃ Copy 10 וַיִּזְעֲק֤וּ אֶל ־ יְהוָה֙ ויאמר חָטָ֔אנוּ כִּ֤י עָזַ֨בְנוּ֙ אֶת ־ יְהוָ֔ה וַנַּעֲבֹ֥ד אֶת ־ הַבְּעָלִ֖ים וְאֶת ־ הָעַשְׁתָּר֑וֹת וְעַתָּ֗ה הַצִּילֵ֛נוּ מִיַּ֥ד אֹיְבֵ֖ינוּ וְנַעַבְדֶֽךָּ ׃ 1 Written form / alternate reading: ו / יאמר / Reading: וַ / יֹּאמְר֣וּ 2 Adaptations to a Qere which L and BHS, by their design, do not indicate. Copy 11 וַיִּשְׁלַ֤ח יְהוָה֙ אֶת ־ יְרֻבַּ֣עַל וְאֶת ־ בְּדָ֔ן וְאֶת ־ יִפְתָּ֖ח וְאֶת ־ שְׁמוּאֵ֑ל וַיַּצֵּ֨ל אֶתְכֶ֜ם מִיַּ֤ד אֹֽיְבֵיכֶם֙ מִסָּבִ֔יב וַתֵּשְׁב֖וּ בֶּֽטַח ׃ Copy 12 וַתִּרְא֗וּ כִּֽי ־ נָחָ֞שׁ מֶ֣לֶךְ בְּנֵֽי ־ עַמּוֹן֮ בָּ֣א עֲלֵיכֶם֒ וַתֹּ֣אמְרוּ לִ֔י לֹ֕א כִּי ־ מֶ֖לֶךְ יִמְלֹ֣ךְ עָלֵ֑ינוּ וַיהוָ֥ה אֱלֹהֵיכֶ֖ם מַלְכְּכֶֽם ׃ Copy 13 וְעַתָּ֗ה הִנֵּ֥ה הַמֶּ֛לֶךְ אֲשֶׁ֥ר בְּחַרְתֶּ֖ם אֲשֶׁ֣ר שְׁאֶלְתֶּ֑ם וְהִנֵּ֨ה נָתַ֧ן יְהוָ֛ה עֲלֵיכֶ֖ם מֶֽלֶךְ ׃ Copy 14 אִם ־ תִּֽירְא֣וּ אֶת ־ יְהוָ֗ה וַעֲבַדְתֶּ֤ם אֹתוֹ֙ וּשְׁמַעְתֶּ֣ם בְּקֹל֔וֹ וְלֹ֥א תַמְר֖וּ אֶת ־ פִּ֣י יְהוָ֑ה וִהְיִתֶ֣ם גַּם ־ אַתֶּ֗ם וְגַם ־ הַמֶּ֨לֶךְ֙ אֲשֶׁ֣ר מָלַ֣ךְ עֲלֵיכֶ֔ם אַחַ֖ר יְהוָ֥ה אֱלֹהֵיכֶֽם ׃ Copy 15 וְאִם ־ לֹ֤א תִשְׁמְעוּ֙ בְּק֣וֹל יְהוָ֔ה וּמְרִיתֶ֖ם אֶת ־ פִּ֣י יְהוָ֑ה וְהָיְתָ֧ה יַד ־ יְהוָ֛ה בָּכֶ֖ם וּבַאֲבֹתֵיכֶֽם ׃ Copy 16 גַּם ־ עַתָּה֙ הִתְיַצְּב֣וּ וּרְא֔וּ אֶת ־ הַדָּבָ֥ר הַגָּד֖וֹל הַזֶּ֑ה אֲשֶׁ֣ר יְהוָ֔ה עֹשֶׂ֖ה לְעֵינֵיכֶֽם ׃ Copy 17 הֲל֤וֹא קְצִיר ־ חִטִּים֙ הַיּ֔וֹם אֶקְרָא֙ אֶל ־ יְהוָ֔ה וְיִתֵּ֥ן קֹל֖וֹת וּמָטָ֑ר וּדְע֣וּ וּרְא֗וּ כִּֽי ־ רָעַתְכֶ֤ם רַבָּה֙ אֲשֶׁ֤ר עֲשִׂיתֶם֙ בְּעֵינֵ֣י יְהוָ֔ה לִשְׁא֥וֹל לָכֶ֖ם מֶֽלֶךְ ׃ ס Copy 18 וַיִּקְרָ֤א שְׁמוּאֵל֙ אֶל ־ יְהוָ֔ה וַיִּתֵּ֧ן יְהוָ֛ה קֹלֹ֥ת וּמָטָ֖ר בַּיּ֣וֹם הַה֑וּא וַיִּירָ֨א כָל ־ הָעָ֥ם מְאֹ֛ד אֶת ־ יְהוָ֖ה וְאֶת ־ שְׁמוּאֵֽל ׃ Copy 19 וַיֹּאמְר֨וּ כָל ־ הָעָ֜ם אֶל ־ שְׁמוּאֵ֗ל הִתְפַּלֵּ֧ל בְּעַד ־ עֲבָדֶ֛יךָ אֶל ־ יְהוָ֥ה אֱלֹהֶ֖יךָ וְאַל ־ נָמ֑וּת כִּֽי ־ יָסַ֤פְנוּ עַל ־ כָּל ־ חַטֹּאתֵ֨ינוּ֙ רָעָ֔ה לִשְׁאֹ֥ל לָ֖נוּ מֶֽלֶךְ ׃ ס Copy 20 וַיֹּ֨אמֶר שְׁמוּאֵ֤ל אֶל ־ הָעָם֙ אַל ־ תִּירָ֔אוּ אַתֶּ֣ם עֲשִׂיתֶ֔ם אֵ֥ת כָּל ־ הָרָעָ֖ה הַזֹּ֑את אַ֗ךְ אַל ־ תָּס֨וּרוּ֙ מֵאַחֲרֵ֣י יְהוָ֔ה וַעֲבַדְתֶּ֥ם אֶת ־ יְהוָ֖ה בְּכָל ־ לְבַבְכֶֽם ׃ Copy 21 וְלֹ֖א תָּס֑וּרוּ כִּ֣י ׀ אַחֲרֵ֣י הַתֹּ֗הוּ אֲשֶׁ֧ר לֹֽא ־ יוֹעִ֛ילוּ וְלֹ֥א יַצִּ֖ילוּ כִּי ־ תֹ֥הוּ הֵֽמָּה ׃ Copy 22 כִּ֠י לֹֽא ־ יִטֹּ֤שׁ יְהוָה֙ אֶת ־ עַמּ֔וֹ בַּעֲב֖וּר שְׁמ֣וֹ הַגָּד֑וֹל כִּ֚י הוֹאִ֣יל יְהוָ֔ה לַעֲשׂ֥וֹת אֶתְכֶ֛ם ל֖וֹ לְעָֽם ׃ Copy 23 גַּ֣ם אָנֹכִ֗י חָלִ֤ילָה לִּי֙ מֵחֲטֹ֣א לַֽיהוָ֔ה מֵחֲדֹ֖ל לְהִתְפַּלֵּ֣ל בַּעַדְכֶ֑ם וְהוֹרֵיתִ֣י אֶתְכֶ֔ם בְּדֶ֥רֶךְ הַטּוֹבָ֖ה וְהַיְשָׁרָֽה ׃ Copy 24 אַ֣ךְ ׀ יְר֣אוּ אֶת ־ יְהוָ֗ה וַעֲבַדְתֶּ֥ם אֹת֛וֹ בֶּאֱמֶ֖ת בְּכָל ־ לְבַבְכֶ֑ם כִּ֣י רְא֔וּ אֵ֥ת אֲשֶׁר ־ הִגְדִּ֖ל עִמָּכֶֽם ׃ Copy 25 וְאִם ־ הָרֵ֖עַ תָּרֵ֑עוּ גַּם ־ אַתֶּ֥ם גַּֽם ־ מַלְכְּכֶ֖ם תִּסָּפֽוּ ׃ פ Copy
