Skip to main content
Bible Study Resources › Translations › 2 Chronicles 16 Text size 19px Width Narrow Wide Theme Light Sepia Dark Save settings Highlight selection Add note Annotate selection
Save reading position
Bible Reader
2 Chronicles 16 Open Scriptures Hebrew Bible
Work Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalms Proverbs Ecclesiastes Song Of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
Close Section Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36
2 Chronicles 16 1 בִּשְׁנַ֨ת שְׁלֹשִׁ֤ים וָשֵׁשׁ֙ לְמַלְכ֣וּת אָסָ֔א עָלָ֞ה בַּעְשָׁ֤א מֶֽלֶךְ ־ יִשְׂרָאֵל֙ עַל ־ יְהוּדָ֔ה וַיִּ֖בֶן אֶת ־ הָרָמָ֑ה לְבִלְתִּ֗י תֵּ֚ת יוֹצֵ֣א וָבָ֔א לְאָסָ֖א מֶ֥לֶךְ יְהוּדָֽה ׃ Copy 2 וַיֹּצֵ֨א אָסָ֜א כֶּ֣סֶף וְזָהָ֗ב מֵאֹֽצְר֛וֹת בֵּ֥ית יְהוָ֖ה וּבֵ֣ית הַמֶּ֑לֶךְ וַיִּשְׁלַ֗ח אֶל ־ בֶּן ־ הֲדַד֙ מֶ֣לֶךְ אֲרָ֔ם הַיּוֹשֵׁ֥ב בְּדַרְמֶ֖שֶׂק לֵאמֹֽר ׃ Copy 3 בְּרִית֙ בֵּינִ֣י וּבֵינֶ֔ךָ וּבֵ֥ין אָבִ֖י וּבֵ֣ין אָבִ֑יךָ הִנֵּ֨ה שָׁלַ֤חְתִּֽי לְךָ֙ כֶּ֣סֶף וְזָהָ֔ב לֵ֞ךְ הָפֵ֣ר בְּרִֽיתְךָ֗ אֶת ־ בַּעְשָׁא֙ מֶ֣לֶךְ יִשְׂרָאֵ֔ל וְיַעֲלֶ֖ה מֵעָלָֽי ׃ Copy 4 וַיִּשְׁמַ֨ע בֶּן הֲדַ֜ד אֶל ־ הַמֶּ֣לֶךְ אָסָ֗א וַ֠יִּשְׁלַח אֶת ־ שָׂרֵ֨י הַחֲיָלִ֤ים אֲשֶׁר ־ לוֹ֙ אֶל ־ עָרֵ֣י יִשְׂרָאֵ֔ל וַיַּכּוּ֙ אֶת ־ עִיּ֣וֹן וְאֶת ־ דָּ֔ן וְאֵ֖ת אָבֵ֣ל מָ֑יִם וְאֵ֥ת כָּֽל ־ מִסְכְּנ֖וֹת עָרֵ֥י נַפְתָּלִֽי ׃ 1 BHS has been faithful to the Leningrad Codex where there might be a question of the validity of the form and we keep the same form as BHS. 5 וַיְהִי֙ כִּשְׁמֹ֣עַ בַּעְשָׁ֔א וַיֶּחְדַּ֕ל מִבְּנ֖וֹת אֶת ־ הָרָמָ֑ה וַיַּשְׁבֵּ֖ת אֶת ־ מְלַאכְתּֽוֹ ׃ ס Copy 6 וְאָסָ֣א הַמֶּ֗לֶךְ לָקַח֙ אֶת ־ כָּל ־ יְהוּדָ֔ה וַיִּשְׂא֞וּ אֶת ־ אַבְנֵ֤י הָֽרָמָה֙ וְאֶת ־ עֵצֶ֔יהָ אֲשֶׁ֥ר בָּנָ֖ה בַּעְשָׁ֑א וַיִּ֣בֶן בָּהֶ֔ם אֶת ־ גֶּ֖בַע וְאֶת ־ הַמִּצְפָּֽה ׃ ס Copy 7 וּבָעֵ֣ת הַהִ֗יא בָּ֚א חֲנָ֣נִי הָרֹאֶ֔ה אֶל ־ אָסָ֖א מֶ֣לֶךְ יְהוּדָ֑ה וַיֹּ֣אמֶר אֵלָ֗יו בְּהִשָּׁ֨עֶנְךָ֜ עַל ־ מֶ֤לֶךְ אֲרָם֙ וְלֹ֤א נִשְׁעַ֨נְתָּ֙ עַל ־ יְהוָ֣ה אֱלֹהֶ֔יךָ עַל ־ כֵּ֗ן נִמְלַ֛ט חֵ֥יל מֶֽלֶךְ ־ אֲרָ֖ם מִיָּדֶֽךָ ׃ Copy 8 הֲלֹ֧א הַכּוּשִׁ֣ים וְהַלּוּבִ֗ים הָי֨וּ לְחַ֧יִל ׀ לָרֹ֛ב לְרֶ֥כֶב וּלְפָרָשִׁ֖ים לְהַרְבֵּ֣ה מְאֹ֑ד וּבְהִשָּֽׁעֶנְךָ֥ עַל ־ יְהוָ֖ה נְתָנָ֥ם בְּיָדֶֽךָ ׃ Copy 9 כִּ֣י יְהוָ֗ה עֵינָ֞יו מְשֹׁטְט֤וֹת בְּכָל ־ הָאָ֨רֶץ֙ לְ֠הִתְחַזֵּק עִם ־ לְבָבָ֥ם שָׁלֵ֛ם אֵלָ֖יו נִסְכַּ֣לְתָּ עַל ־ זֹ֑את כִּ֣י מֵעַ֔תָּה יֵ֥שׁ עִמְּךָ֖ מִלְחָמֽוֹת ׃ Copy 10 וַיִּכְעַ֨ס אָסָ֜א אֶל ־ הָרֹאֶ֗ה וַֽיִּתְּנֵ֨הוּ֙ בֵּ֣ית הַמַּהְפֶּ֔כֶת כִּֽי ־ בְזַ֥עַף עִמּ֖וֹ עַל ־ זֹ֑את וַיְרַצֵּ֥ץ אָסָ֛א מִן ־ הָעָ֖ם בָּעֵ֥ת הַהִֽיא ׃ Copy 11 וְהִנֵּה֙ דִּבְרֵ֣י אָסָ֔א הָרִאשׁוֹנִ֖ים וְהָאַחֲרוֹנִ֑ים הִנָּ֤ם כְּתוּבִים֙ עַל ־ סֵ֣פֶר הַמְּלָכִ֔ים לִיהוּדָ֖ה וְיִשְׂרָאֵֽל ׃ Copy 12 וַיֶּחֱלֶ֣א אָסָ֡א בִּשְׁנַת֩ שְׁלוֹשִׁ֨ים וָתֵ֤שַׁע לְמַלְכוּתוֹ֙ בְּרַגְלָ֔יו עַד ־ לְמַ֖עְלָה חָלְי֑וֹ וְגַם ־ בְּחָלְיוֹ֙ לֹא ־ דָרַ֣שׁ אֶת ־ יְהוָ֔ה כִּ֖י בָּרֹפְאִֽים ׃ Copy 13 וַיִּשְׁכַּ֥ב אָסָ֖א עִם ־ אֲבֹתָ֑יו וַיָּ֕מָת בִּשְׁנַ֛ת אַרְבָּעִ֥ים וְאַחַ֖ת לְמָלְכֽוֹ ׃ Copy 14 וַיִּקְבְּרֻ֣הוּ בְקִבְרֹתָ֗יו אֲשֶׁ֣ר כָּֽרָה ־ לוֹ֮ בְּעִ֣יר דָּוִיד֒ וַיַּשְׁכִּיבֻ֗הוּ בַּמִּשְׁכָּב֙ אֲשֶׁ֤ר מִלֵּא֙ בְּשָׂמִ֣ים וּזְנִ֔ים מְרֻקָּחִ֖ים בְּמִרְקַ֣חַת מַעֲשֶׂ֑ה וַיִּשְׂרְפוּ ־ ל֥וֹ שְׂרֵפָ֖ה גְּדוֹלָ֥ה עַד ־ לִמְאֹֽד ׃ פ Copy
Copy
