Skip to main content
Bible Study Resources › Translations › 2 Samuel 14 Text size 19px Width Narrow Wide Theme Light Sepia Dark Save settings Highlight selection Add note Annotate selection
Save reading position
Bible Reader
2 Samuel 14 Open Scriptures Hebrew Bible
Work Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalms Proverbs Ecclesiastes Song Of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
Close Section Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24
2 Samuel 14 1 וַיֵּ֖דַע יוֹאָ֣ב בֶּן ־ צְרֻיָ֑ה כִּֽי ־ לֵ֥ב הַמֶּ֖לֶךְ עַל ־ אַבְשָׁלֽוֹם ׃ Copy 2 וַיִּשְׁלַ֤ח יוֹאָב֙ תְּק֔וֹעָה וַיִּקַּ֥ח מִשָּׁ֖ם אִשָּׁ֣ה חֲכָמָ֑ה וַיֹּ֣אמֶר אֵ֠לֶיהָ הִֽתְאַבְּלִי ־ נָ֞א וְלִבְשִׁי ־ נָ֣א בִגְדֵי ־ אֵ֗בֶל וְאַל ־ תָּס֨וּכִי֙ שֶׁ֔מֶן וְהָיִ֕ית כְּאִשָּׁ֗ה זֶ֚ה יָמִ֣ים רַבִּ֔ים מִתְאַבֶּ֖לֶת עַל ־ מֵֽת ׃ Copy 3 וּבָאת֙ אֶל ־ הַמֶּ֔לֶךְ וְדִבַּ֥רְתְּ אֵלָ֖יו כַּדָּבָ֣ר הַזֶּ֑ה וַיָּ֧שֶׂם יוֹאָ֛ב אֶת ־ הַדְּבָרִ֖ים בְּפִֽיהָ ׃ Copy 4 וַ֠תֹּאמֶר הָאִשָּׁ֤ה הַתְּקֹעִית֙ אֶל ־ הַמֶּ֔לֶךְ וַתִּפֹּ֧ל עַל ־ אַפֶּ֛יהָ אַ֖רְצָה וַתִּשְׁתָּ֑חוּ וַתֹּ֖אמֶר הוֹשִׁ֥עָה הַמֶּֽלֶךְ ׃ ס Copy 5 וַיֹּֽאמֶר ־ לָ֥הּ הַמֶּ֖לֶךְ מַה ־ לָּ֑ךְ וַתֹּ֗אמֶר אֲבָ֛ל אִשָּֽׁה ־ אַלְמָנָ֥ה אָ֖נִי וַיָּ֥מָת אִישִֽׁי ׃ Copy 6 וּלְשִׁפְחָֽתְךָ֙ שְׁנֵ֣י בָנִ֔ים וַיִּנָּצ֤וּ שְׁנֵיהֶם֙ בַּשָּׂדֶ֔ה וְאֵ֥ין מַצִּ֖יל בֵּֽינֵיהֶ֑ם וַיַּכּ֧וֹ הָאֶחָ֛ד אֶת ־ הָאֶחָ֖ד וַיָּ֥מֶת אֹתֽוֹ ׃ Copy 7 וְהִנֵּה֩ קָ֨מָה כָֽל ־ הַמִּשְׁפָּחָ֜ה עַל ־ שִׁפְחָתֶ֗ךָ וַיֹּֽאמְרוּ֙ תְּנִ֣י ׀ אֶת ־ מַכֵּ֣ה אָחִ֗יו וּנְמִתֵ֨הוּ֙ בְּנֶ֤פֶשׁ אָחִיו֙ אֲשֶׁ֣ר הָרָ֔ג וְנַשְׁמִ֖ידָה גַּ֣ם אֶת ־ הַיּוֹרֵ֑שׁ וְכִבּ֗וּ אֶת ־ גַּֽחַלְתִּי֙ אֲשֶׁ֣ר נִשְׁאָ֔רָה לְבִלְתִּ֧י שום ־ לְאִישִׁ֛י 8 וַיֹּ֧אמֶר הַמֶּ֛לֶךְ אֶל ־ הָאִשָּׁ֖ה לְכִ֣י לְבֵיתֵ֑ךְ וַאֲנִ֖י אֲצַוֶּ֥ה עָלָֽיִךְ ׃ Copy 9 וַתֹּ֜אמֶר הָאִשָּׁ֤ה הַתְּקוֹעִית֙ אֶל ־ הַמֶּ֔לֶךְ עָלַ֞י אֲדֹנִ֥י הַמֶּ֛לֶךְ הֶעָוֺ֖ן וְעַל ־ בֵּ֣ית אָבִ֑י וְהַמֶּ֥לֶךְ וְכִסְא֖וֹ נָקִֽי ׃ ס Copy 10 וַיֹּ֖אמֶר הַמֶּ֑לֶךְ הַֽמְדַבֵּ֤ר אֵלַ֨יִךְ֙ וַֽהֲבֵאת֣וֹ אֵלַ֔י וְלֹֽא ־ יֹסִ֥יף ע֖וֹד לָגַ֥עַת בָּֽךְ ׃ Copy 11 וַתֹּאמֶר֩ יִזְכָּר ־ נָ֨א הַמֶּ֜לֶךְ אֶת ־ יְהוָ֣ה אֱלֹהֶ֗יךָ מהרבית גֹּאֵ֤ל הַדָּם֙ לְשַׁחֵ֔ת וְלֹ֥א יַשְׁמִ֖ידוּ אֶת ־ בְּנִ֑י וַיֹּ֨אמֶר֙ חַי ־ יְהוָ֔ה אִם ־ יִפֹּ֛ל מִשַּׂעֲרַ֥ת בְּנֵ֖ךְ אָֽרְצָה ׃ 1 Written form / alternate reading: מ / הרבית / Reading: מֵ / הַרְבַּ֞ת Copy 12 וַתֹּ֨אמֶר֙ הָֽאִשָּׁ֔ה תְּדַבֶּר ־ נָ֧א שִׁפְחָתְךָ֛ אֶל ־ אֲדֹנִ֥י הַמֶּ֖לֶךְ דָּבָ֑ר וַיֹּ֖אמֶר דַּבֵּֽרִי ׃ ס Copy 13 וַתֹּ֨אמֶר֙ הָֽאִשָּׁ֔ה וְלָ֧מָּה חָשַׁ֛בְתָּה כָּזֹ֖את עַל ־ עַ֣ם אֱלֹהִ֑ים וּמִדַּבֵּ֨ר הַמֶּ֜לֶךְ הַדָּבָ֤ר הַזֶּה֙ כְּאָשֵׁ֔ם לְבִלְתִּ֛י הָשִׁ֥יב הַמֶּ֖לֶךְ אֶֽת ־ נִדְּחֽוֹ ׃ Copy 14 כִּי ־ מ֣וֹת נָמ֔וּת וְכַמַּ֨יִם֙ הַנִּגָּרִ֣ים אַ֔רְצָה אֲשֶׁ֖ר לֹ֣א יֵאָסֵ֑פוּ וְלֹֽא ־ יִשָּׂ֤א אֱלֹהִים֙ נֶ֔פֶשׁ וְחָשַׁב֙ מַֽחֲשָׁב֔וֹת לְבִלְתִּ֛י יִדַּ֥ח מִמֶּ֖נּוּ נִדָּֽח ׃ Copy 15 וְ֠עַתָּה אֲשֶׁר ־ בָּ֜אתִי לְדַבֵּ֨ר אֶל ־ הַמֶּ֤לֶךְ אֲדֹנִי֙ אֶת ־ הַדָּבָ֣ר הַזֶּ֔ה כִּ֥י יֵֽרְאֻ֖נִי הָעָ֑ם וַתֹּ֤אמֶר שִׁפְחָֽתְךָ֙ אֲדַבְּרָה ־ נָּ֣א אֶל ־ הַמֶּ֔לֶךְ אוּלַ֛י יַעֲשֶׂ֥ה הַמֶּ֖לֶךְ אֶת ־ דְּבַ֥ר אֲמָתֽוֹ ׃ Copy 16 כִּ֚י יִשְׁמַ֣ע הַמֶּ֔לֶךְ לְהַצִּ֥יל אֶת ־ אֲמָת֖וֹ מִכַּ֣ף הָאִ֑ישׁ לְהַשְׁמִ֨יד אֹתִ֤י וְאֶת ־ בְּנִי֙ יַ֔חַד מִֽנַּחֲלַ֖ת אֱלֹהִֽים ׃ Copy 17 וַתֹּ֨אמֶר֙ שִׁפְחָ֣תְךָ֔ יִֽהְיֶה ־ נָּ֛א דְּבַר ־ אֲדֹנִ֥י הַמֶּ֖לֶךְ לִמְנוּחָ֑ה כִּ֣י ׀ כְּמַלְאַ֣ךְ הָאֱלֹהִ֗ים כֵּ֣ן אֲדֹנִ֤י הַמֶּ֨לֶךְ֙ לִשְׁמֹ֨עַ֙ הַטּ֣וֹב וְהָרָ֔ע וַֽיהוָ֥ה אֱלֹהֶ֖יךָ יְהִ֥י עִמָּֽךְ ׃ פ Copy 18 וַיַּ֣עַן הַמֶּ֗לֶךְ וַיֹּ֨אמֶר֙ אֶל ־ הָ֣אִשָּׁ֔ה אַל ־ נָ֨א תְכַחֲדִ֤י מִמֶּ֨נִּי֙ דָּבָ֔ר אֲשֶׁ֥ר אָנֹכִ֖י שֹׁאֵ֣ל אֹתָ֑ךְ וַתֹּ֨אמֶר֙ הָֽאִשָּׁ֔ה יְדַבֶּר ־ נָ֖א אֲדֹנִ֥י הַמֶּֽלֶךְ ׃ Copy 19 וַיֹּ֣אמֶר הַמֶּ֔לֶךְ הֲיַ֥ד יוֹאָ֛ב אִתָּ֖ךְ בְּכָל ־ זֹ֑את וַתַּ֣עַן הָאִשָּׁ֣ה וַתֹּ֡אמֶר חֵֽי ־ נַפְשְׁךָ֩ אֲדֹנִ֨י הַמֶּ֜לֶךְ אִם ־ אִ֣שׁ ׀ לְהֵמִ֣ין וּלְהַשְׂמִ֗יל מִכֹּ֤ל אֲשֶׁר ־ דִּבֶּר֙ אֲדֹנִ֣י הַמֶּ֔לֶךְ כִּֽי ־ עַבְדְּךָ֤ יוֹאָב֙ ה֣וּא צִוָּ֔נִי 20 לְבַעֲב֤וּר סַבֵּב֙ אֶת ־ פְּנֵ֣י הַדָּבָ֔ר עָשָׂ֛ה עַבְדְּךָ֥ יוֹאָ֖ב אֶת ־ הַדָּבָ֣ר הַזֶּ֑ה וַאדֹנִ֣י חָכָ֗ם כְּחָכְמַת֙ מַלְאַ֣ךְ הָאֱלֹהִ֔ים לָדַ֖עַת אֶֽת ־ כָּל ־ אֲשֶׁ֥ר בָּאָֽרֶץ ׃ ס Copy 21 וַיֹּ֤אמֶר הַמֶּ֨לֶךְ֙ אֶל ־ יוֹאָ֔ב הִנֵּה ־ נָ֥א עָשִׂ֖יתִי אֶת ־ הַדָּבָ֣ר הַזֶּ֑ה וְלֵ֛ךְ הָשֵׁ֥ב אֶת ־ הַנַּ֖עַר אֶת ־ אַבְשָׁלֽוֹם ׃ Copy 22 וַיִּפֹּל֩ יוֹאָ֨ב אֶל ־ פָּנָ֥יו אַ֛רְצָה וַיִּשְׁתַּ֖חוּ וַיְבָ֣רֶךְ אֶת ־ הַמֶּ֑לֶךְ וַיֹּ֣אמֶר יוֹאָ֡ב הַיּוֹם֩ יָדַ֨ע עַבְדְּךָ֜ כִּי ־ מָצָ֨אתִי חֵ֤ן בְּעֵינֶ֨יךָ֙ אֲדֹנִ֣י הַמֶּ֔לֶךְ אֲשֶׁר ־ עָשָׂ֥ה הַמֶּ֖לֶךְ אֶת ־ דְּבַ֥ר עבדו ׃ 1 Written form / alternate reading: עבד / ו / Reading: עַבְדֶּֽ / ךָ Copy 23 וַיָּ֥קָם יוֹאָ֖ב וַיֵּ֣לֶךְ גְּשׁ֑וּרָה וַיָּבֵ֥א אֶת ־ אַבְשָׁל֖וֹם יְרוּשָׁלִָֽם ׃ פ Copy 24 וַיֹּ֤אמֶר הַמֶּ֨לֶךְ֙ יִסֹּ֣ב אֶל ־ בֵּית֔וֹ וּפָנַ֖י לֹ֣א יִרְאֶ֑ה וַיִּסֹּ֤ב אַבְשָׁלוֹם֙ אֶל ־ בֵּית֔וֹ וּפְנֵ֥י הַמֶּ֖לֶךְ לֹ֥א רָאָֽה ׃ ס Copy 25 וּכְאַבְשָׁל֗וֹם לֹא ־ הָיָ֧ה אִישׁ ־ יָפֶ֛ה בְּכָל ־ יִשְׂרָאֵ֖ל לְהַלֵּ֣ל מְאֹ֑ד מִכַּ֤ף רַגְלוֹ֙ וְעַ֣ד קָדְקֳד֔וֹ לֹא ־ הָ֥יָה ב֖וֹ מֽוּם ׃ Copy 26 וּֽבְגַלְּחוֹ֮ אֶת ־ רֹאשׁוֹ֒ וְֽ֠הָיָה מִקֵּ֨ץ יָמִ֤ים ׀ לַיָּמִים֙ אֲשֶׁ֣ר יְגַלֵּ֔חַ כִּֽי ־ כָבֵ֥ד עָלָ֖יו וְגִלְּח֑וֹ וְשָׁקַל֙ אֶת ־ שְׂעַ֣ר רֹאשׁ֔וֹ מָאתַ֥יִם שְׁקָלִ֖ים בְּאֶ֥בֶן הַמֶּֽלֶךְ ׃ 1 We read one or more accents in L differently than BHS. Often this notation indicates a typographical error in BHS. Copy 27 וַיִּֽוָּלְד֤וּ לְאַבְשָׁלוֹם֙ שְׁלוֹשָׁ֣ה בָנִ֔ים וּבַ֥ת אַחַ֖ת וּשְׁמָ֣הּ תָּמָ֑ר הִ֣יא הָיְתָ֔ה אִשָּׁ֖ה יְפַ֥ת מַרְאֶֽה ׃ פ Copy 28 וַיֵּ֧שֶׁב אַבְשָׁל֛וֹם בִּירוּשָׁלִַ֖ם שְׁנָתַ֣יִם יָמִ֑ים וּפְנֵ֥י הַמֶּ֖לֶךְ לֹ֥א רָאָֽה ׃ Copy 29 וַיִּשְׁלַ֨ח אַבְשָׁל֜וֹם אֶל ־ יוֹאָ֗ב לִשְׁלֹ֤חַ אֹתוֹ֙ אֶל ־ הַמֶּ֔לֶךְ וְלֹ֥א אָבָ֖ה לָב֣וֹא אֵלָ֑יו וַיִּשְׁלַ֥ח עוֹד֙ שֵׁנִ֔ית וְלֹ֥א אָבָ֖ה לָבֽוֹא ׃ Copy 30 וַיֹּ֨אמֶר אֶל ־ עֲבָדָ֜יו רְאוּ֩ חֶלְקַ֨ת יוֹאָ֤ב אֶל ־ יָדִי֙ וְלוֹ ־ שָׁ֣ם שְׂעֹרִ֔ים לְכ֖וּ והוצתיה בָאֵ֑שׁ וַיַּצִּ֜תוּ עַבְדֵ֧י אַבְשָׁל֛וֹם אֶת ־ הַחֶלְקָ֖ה בָּאֵֽשׁ ׃ פ 1 Written form / alternate reading: ו / הוצתי / ה / Reading: וְ / הַצִּית֣וּ / הָ Copy 31 וַיָּ֣קָם יוֹאָ֔ב וַיָּבֹ֥א אֶל ־ אַבְשָׁל֖וֹם הַבָּ֑יְתָה וַיֹּ֣אמֶר אֵלָ֔יו לָ֣מָּה הִצִּ֧יתוּ עֲבָדֶ֛ךָ אֶת ־ הַחֶלְקָ֥ה אֲשֶׁר ־ לִ֖י בָּאֵֽשׁ ׃ Copy 32 וַיֹּ֣אמֶר אַבְשָׁל֣וֹם אֶל ־ יוֹאָ֡ב הִנֵּ֣ה שָׁלַ֣חְתִּי אֵלֶ֣יךָ ׀ לֵאמֹ֡ר בֹּ֣א הֵ֠נָּה וְאֶשְׁלְחָה֩ אֹתְךָ֨ אֶל ־ הַמֶּ֜לֶךְ לֵאמֹ֗ר לָ֤מָּה בָּ֨אתִי֙ מִגְּשׁ֔וּר ט֥וֹב לִ֖י עֹ֣ד אֲנִי ־ שָׁ֑ם וְעַתָּ֗ה אֶרְאֶה֙ פְּנֵ֣י הַמֶּ֔לֶךְ וְאִם ־ יֶשׁ ־ 33 וַיָּבֹ֨א יוֹאָ֣ב אֶל ־ הַמֶּלֶךְ֮ וַיַּגֶּד ־ לוֹ֒ וַיִּקְרָ֤א אֶל ־ אַבְשָׁלוֹם֙ וַיָּבֹ֣א אֶל ־ הַמֶּ֔לֶךְ וַיִּשְׁתַּ֨חוּ ל֧וֹ עַל ־ אַפָּ֛יו אַ֖רְצָה לִפְנֵ֣י הַמֶּ֑לֶךְ וַיִּשַּׁ֥ק הַמֶּ֖לֶךְ לְאַבְשָׁלֽוֹם ׃ פ Copy
שֵׁ֥ם
וּשְׁאֵרִ֖ית
עַל
־
פְּנֵ֥י
הָאֲדָמָֽה
׃
פ
1 Written form / alternate reading: שום / Reading: שִׂים
Copy
וְה֗וּא
שָׂ֚ם
בְּפִ֣י
שִׁפְחָֽתְךָ֔
אֵ֥ת
כָּל
־
הַדְּבָרִ֖ים
הָאֵֽלֶּה
׃
Copy
בִּ֥י
עָוֺ֖ן
וֶהֱמִתָֽנִי
׃
1 We read one or more accents in L differently than BHS. Often this notation indicates a typographical error in BHS.
Copy
