Skip to main content
Bible Study Resources › Translations › Haggai 1 Text size 19px Width Narrow Wide Theme Light Sepia Dark Save settings Highlight selection Add note Annotate selection
Save reading position
Bible Reader
Haggai 1 Open Scriptures Hebrew Bible
Work Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalms Proverbs Ecclesiastes Song Of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
Close Section Chapter 1 Chapter 2
Haggai 1 1 בִּשְׁנַ֤ת שְׁתַּ֨יִם֙ לְדָרְיָ֣וֶשׁ הַמֶּ֔לֶךְ בַּחֹ֨דֶשׁ֙ הַשִּׁשִּׁ֔י בְּי֥וֹם אֶחָ֖ד לַחֹ֑דֶשׁ הָיָ֨ה דְבַר ־ יְהוָ֜ה בְּיַד ־ חַגַּ֣י הַנָּבִ֗יא אֶל ־ זְרֻבָּבֶ֤ל בֶּן ־ שְׁאַלְתִּיאֵל֙ פַּחַ֣ת יְהוּדָ֔ה וְאֶל ־ יְהוֹשֻׁ֧עַ בֶּן ־ יְהוֹצָדָ֛ק הַכֹּהֵ֥ן הַגָּד֖וֹל לֵאמֹֽר ׃ Copy 2 כֹּ֥ה אָמַ֛ר יְהוָ֥ה צְבָא֖וֹת לֵאמֹ֑ר הָעָ֤ם הַזֶּה֙ אָֽמְר֔וּ לֹ֥א עֶת ־ בֹּ֛א עֶת ־ בֵּ֥ית יְהוָ֖ה לְהִבָּנֽוֹת ׃ פ Copy 3 וַֽיְהִי֙ דְּבַר ־ יְהוָ֔ה בְּיַד ־ חַגַּ֥י הַנָּבִ֖יא לֵאמֹֽר ׃ Copy 4 הַעֵ֤ת לָכֶם֙ אַתֶּ֔ם לָשֶׁ֖בֶת בְּבָתֵּיכֶ֣ם סְפוּנִ֑ים וְהַבַּ֥יִת הַזֶּ֖ה חָרֵֽב ׃ Copy 5 וְעַתָּ֕ה כֹּ֥ה אָמַ֖ר יְהוָ֣ה צְבָא֑וֹת שִׂ֥ימוּ לְבַבְכֶ֖ם עַל ־ דַּרְכֵיכֶֽם ׃ Copy 6 זְרַעְתֶּ֨ם הַרְבֵּ֜ה וְהָבֵ֣א מְעָ֗ט אָכ֤וֹל וְאֵין ־ לְשָׂבְעָה֙ שָׁת֣וֹ וְאֵין ־ לְשָׁכְרָ֔ה לָב֖וֹשׁ וְאֵין ־ לְחֹ֣ם ל֑וֹ וְהַ֨מִּשְׂתַּכֵּ֔ר מִשְׂתַּכֵּ֖ר אֶל ־ צְר֥וֹר נָקֽוּב ׃ פ Copy 7 כֹּ֥ה אָמַ֖ר יְהוָ֣ה צְבָא֑וֹת שִׂ֥ימוּ לְבַבְכֶ֖ם עַל ־ דַּרְכֵיכֶֽם ׃ Copy 8 עֲל֥וּ הָהָ֛ר וַהֲבֵאתֶ֥ם עֵ֖ץ וּבְנ֣וּ הַבָּ֑יִת וְאֶרְצֶה ־ בּ֥וֹ ואכבד אָמַ֥ר יְהוָֽה ׃ 1 Written form / alternate reading: ו / אכבד / Reading: וְ / אֶכָּבְדָ֖ה Copy 9 פָּנֹ֤ה אֶל ־ הַרְבֵּה֙ וְהִנֵּ֣ה לִמְעָ֔ט וַהֲבֵאתֶ֥ם הַבַּ֖יִת וְנָפַ֣חְתִּי ב֑וֹ יַ֣עַן מֶ֗ה נְאֻם֙ יְהוָ֣ה צְבָא֔וֹת יַ֗עַן בֵּיתִי֙ אֲשֶׁר ־ ה֣וּא חָרֵ֔ב וְאַתֶּ֥ם רָצִ֖ים אִ֥ישׁ לְבֵיתֽוֹ ׃ Copy 10 עַל ־ כֵּ֣ן עֲלֵיכֶ֔ם כָּלְא֥וּ שָמַ֖יִם מִטָּ֑ל וְהָאָ֖רֶץ כָּלְאָ֥ה יְבוּלָֽהּ ׃ 1 Marks a place where we agree with BHQ against BHS in reading L. 2 We read one or more consonants in L differently from BHS. 3 Marks an anomalous form. Copy 11 וָאֶקְרָ֨א חֹ֜רֶב עַל ־ הָאָ֣רֶץ וְעַל ־ הֶהָרִ֗ים וְעַל ־ הַדָּגָן֙ וְעַל ־ הַתִּיר֣וֹשׁ וְעַל ־ הַיִּצְהָ֔ר וְעַ֛ל אֲשֶׁ֥ר תּוֹצִ֖יא הָאֲדָמָ֑ה וְעַל ־ הָֽאָדָם֙ וְעַל ־ הַבְּהֵמָ֔ה וְעַ֖ל כָּל ־ יְגִ֥יעַ כַּפָּֽיִם ׃ ס Copy 12 וַיִּשְׁמַ֣ע זְרֻבָּבֶ֣ל ׀ בֶּֽן ־ שַׁלְתִּיאֵ֡ל וִיהוֹשֻׁ֣עַ בֶּן ־ יְהוֹצָדָק֩ הַכֹּהֵ֨ן הַגָּד֜וֹל וְכֹ֣ל ׀ שְׁאֵרִ֣ית הָעָ֗ם בְּקוֹל֙ יְהוָ֣ה אֱלֹֽהֵיהֶ֔ם וְעַל ־ דִּבְרֵי֙ חַגַּ֣י הַנָּבִ֔יא כַּאֲשֶׁ֥ר שְׁלָח֖וֹ יְהוָ֣ה אֱלֹהֵיהֶ֑ם וַיִּֽירְא֥וּ הָעָ֖ם מִפְּנֵ֥י יְהוָֽה ׃ 13 וַ֠יֹּאמֶר חַגַּ֞י מַלְאַ֧ךְ יְהוָ֛ה בְּמַלְאֲכ֥וּת יְהוָ֖ה לָעָ֣ם לֵאמֹ֑ר אֲנִ֥י אִתְּכֶ֖ם נְאֻם ־ יְהוָֽה ׃ Copy 14 וַיָּ֣עַר יְהוָ֡ה אֶת ־ רוּחַ֩ זְרֻבָּבֶ֨ל בֶּן ־ שַׁלְתִּיאֵ֜ל פַּחַ֣ת יְהוּדָ֗ה וְאֶת ־ ר֨וּחַ֙ יְהוֹשֻׁ֤עַ בֶּן ־ יְהוֹצָדָק֙ הַכֹּהֵ֣ן הַגָּד֔וֹל וְֽאֶת ־ ר֔וּחַ כֹּ֖ל שְׁאֵרִ֣ית הָעָ֑ם וַיָּבֹ֨אוּ֙ וַיַּעֲשׂ֣וּ מְלָאכָ֔ה בְּבֵית ־ יְהוָ֥ה צְבָא֖וֹת אֱלֹהֵיהֶֽם ׃ 15 בְּי֨וֹם עֶשְׂרִ֧ים וְאַרְבָּעָ֛ה לַחֹ֖דֶשׁ בַּשִּׁשִּׁ֑י בִּשְׁנַ֥ת שְׁתַּ֖יִם לְדָרְיָ֥וֶשׁ הַמֶּֽלֶךְ ׃ Copy
Copy
פ
Copy
