Skip to main content
Bible Study Resources › Translations › Hosea 2 Text size 19px Width Narrow Wide Theme Light Sepia Dark Save settings Highlight selection Add note Annotate selection
Save reading position
Bible Reader
Hosea 2 Open Scriptures Hebrew Bible
Work Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalms Proverbs Ecclesiastes Song Of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
Close Section Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14
Hosea 2 1 וְֽ֠הָיָה מִסְפַּ֤ר בְּנֵֽי ־ יִשְׂרָאֵל֙ כְּח֣וֹל הַיָּ֔ם אֲשֶׁ֥ר לֹֽא ־ יִמַּ֖ד וְלֹ֣א יִסָּפֵ֑ר וְֽ֠הָיָה בִּמְק֞וֹם אֲשֶׁר ־ יֵאָמֵ֤ר לָהֶם֙ לֹֽא ־ עַמִּ֣י אַתֶּ֔ם יֵאָמֵ֥ר לָהֶ֖ם בְּנֵ֥י אֵֽל ־ חָֽי ׃ 1 KJV:Hos.1.10 Copy 2 וְ֠נִקְבְּצוּ בְּנֵֽי ־ יְהוּדָ֤ה וּבְנֵֽי ־ יִשְׂרָאֵל֙ יַחְדָּ֔ו וְשָׂמ֥וּ לָהֶ֛ם רֹ֥אשׁ אֶחָ֖ד וְעָל֣וּ מִן ־ הָאָ֑רֶץ כִּ֥י גָד֖וֹל י֥וֹם יִזְרְעֶֽאל ׃ 1 KJV:Hos.1.11 Copy 3 אִמְר֥וּ לַאֲחֵיכֶ֖ם עַמִּ֑י וְלַאֲחֽוֹתֵיכֶ֖ם רֻחָֽמָה ׃ 1 KJV:Hos.2.1 Copy 4 רִ֤יבוּ בְאִמְּכֶם֙ רִ֔יבוּ כִּֽי ־ הִיא֙ לֹ֣א אִשְׁתִּ֔י וְאָנֹכִ֖י לֹ֣א אִישָׁ֑הּ וְתָסֵ֤ר זְנוּנֶ֨יהָ֙ מִפָּנֶ֔יה וְנַאֲפוּפֶ֖יהָ מִבֵּ֥ין שָׁדֶֽיהָ ׃ 1 KJV:Hos.2.2 2 We agree with both BHS 1997 and BHQ on an unexpected reading. Copy 5 פֶּן ־ אַפְשִׁיטֶ֣נָּה עֲרֻמָּ֔ה וְהִ֨צַּגְתִּ֔יהָ כְּי֖וֹם הִוָּֽלְדָ֑הּ וְשַׂמְתִּ֣יהָ כַמִּדְבָּ֗ר וְשַׁתִּ֨הָ֙ כְּאֶ֣רֶץ צִיָּ֔ה וַהֲמִתִּ֖יהָ בַּצָּמָֽא ׃ 1 KJV:Hos.2.3 Copy 6 וְאֶת ־ בָּנֶ֖יהָ לֹ֣א אֲרַחֵ֑ם כִּֽי ־ בְנֵ֥י זְנוּנִ֖ים הֵֽמָּה ׃ 1 KJV:Hos.2.4 Copy 7 כִּ֤י זָֽנְתָה֙ אִמָּ֔ם הֹבִ֖ישָׁה הֽוֹרָתָ֑ם כִּ֣י אָמְרָ֗ה אֵלְכָ֞ה אַחֲרֵ֤י מְאַהֲבַי֙ נֹתְנֵ֤י לַחְמִי֙ וּמֵימַ֔י צַמְרִ֣י וּפִשְׁתִּ֔י שַׁמְנִ֖י וְשִׁקּוּיָֽי ׃ 1 KJV:Hos.2.5 Copy 8 לָכֵ֛ן הִנְנִי ־ שָׂ֥ךְ אֶת ־ דַּרְכֵּ֖ךְ בַּסִּירִ֑ים וְגָֽדַרְתִּי֙ אֶת ־ גְּדֵרָ֔הּ וּנְתִיבוֹתֶ֖יהָ לֹ֥א תִמְצָֽא ׃ 1 KJV:Hos.2.6 Copy 9 וְרִדְּפָ֤ה אֶת ־ מְאַהֲבֶ֨יהָ֙ וְלֹֽא ־ תַשִּׂ֣יג אֹתָ֔ם וּבִקְשָׁ֖תַם וְלֹ֣א תִמְצָ֑א וְאָמְרָ֗ה אֵלְכָ֤ה וְאָשׁ֨וּבָה֙ אֶל ־ אִישִׁ֣י הָֽרִאשׁ֔וֹן כִּ֣י ט֥וֹב לִ֛י אָ֖ז מֵעָֽתָּה ׃ 1 KJV:Hos.2.7 Copy 10 וְהִיא֙ לֹ֣א יָֽדְעָ֔ה כִּ֤י אָֽנֹכִי֙ נָתַ֣תִּי לָ֔הּ הַדָּגָ֖ן וְהַתִּיר֣וֹשׁ וְהַיִּצְהָ֑ר וְכֶ֨סֶף הִרְבֵּ֥יתִי לָ֛הּ וְזָהָ֖ב עָשׂ֥וּ לַבָּֽעַל ׃ 1 KJV:Hos.2.8 Copy 11 לָכֵ֣ן אָשׁ֔וּב וְלָקַחְתִּ֤י דְגָנִי֙ בְּעִתּ֔וֹ וְתִירוֹשִׁ֖י בְּמֽוֹעֲד֑וֹ וְהִצַּלְתִּי֙ צַמְרִ֣י וּפִשְׁתִּ֔י לְכַסּ֖וֹת אֶת ־ עֶרְוָתָֽהּ ׃ 1 KJV:Hos.2.9 Copy 12 וְעַתָּ֛ה אֲגַלֶּ֥ה אֶת ־ נַבְלֻתָ֖הּ לְעֵינֵ֣י מְאַהֲבֶ֑יהָ וְאִ֖ישׁ לֹֽא ־ יַצִּילֶ֥נָּה מִיָּדִֽי ׃ 1 KJV:Hos.2.10 Copy 13 וְהִשְׁבַּתִּי֙ כָּל ־ מְשׂוֹשָׂ֔הּ חַגָּ֖הּ חָדְשָׁ֣הּ וְשַׁבַּתָּ֑הּ וְכֹ֖ל מוֹעֲדָֽהּ ׃ 1 KJV:Hos.2.11 Copy 14 וַהֲשִׁמֹּתִ֗י גַּפְנָהּ֙ וּתְאֵ֣נָתָ֔הּ אֲשֶׁ֣ר אָמְרָ֗ה אֶתְנָ֥ה הֵ֨מָּה֙ לִ֔י אֲשֶׁ֥ר נָֽתְנוּ ־ לִ֖י מְאַֽהֲבָ֑י וְשַׂמְתִּ֣ים לְיַ֔עַר וַאֲכָלָ֖תַם חַיַּ֥ת הַשָּׂדֶֽה ׃ 1 KJV:Hos.2.12 Copy 15 וּפָקַדְתִּ֣י עָלֶ֗יהָ אֶת ־ יְמֵ֤י הַבְּעָלִים֙ אֲשֶׁ֣ר תַּקְטִ֣יר לָהֶ֔ם וַתַּ֤עַד נִזְמָהּ֙ וְחֶלְיָתָ֔הּ וַתֵּ֖לֶךְ אַחֲרֵ֣י מְאַהֲבֶ֑יהָ וְאֹתִ֥י שָׁכְחָ֖ה נְאֻם ־ יְהוָֽה ׃ פ 1 KJV:Hos.2.13 Copy 16 לָכֵ֗ן הִנֵּ֤ה אָֽנֹכִי֙ מְפַתֶּ֔יהָ וְהֹֽלַכְתִּ֖יהָ הַמִּדְבָּ֑ר וְדִבַּרְתִּ֖י עַל לִבָּֽהּ ׃ 1 KJV:Hos.2.14 2 Marks a place where we agree with BHQ against BHS in reading L. 3 Marks an anomalous form. 4 We read punctuation in L differently from BHS. Copy 17 וְנָתַ֨תִּי לָ֤הּ אֶת ־ כְּרָמֶ֨יהָ֙ מִשָּׁ֔ם וְאֶת ־ עֵ֥מֶק עָכ֖וֹר לְפֶ֣תַח תִּקְוָ֑ה וְעָ֤נְתָה שָּׁ֨מָּה֙ כִּימֵ֣י נְעוּרֶ֔יהָ וִּכְי֖וֹם עֲלֹתָ֥הּ מֵאֶֽרֶץ ־ מִצְרָֽיִם ׃ ס 1 KJV:Hos.2.15 2 We agree with both BHS 1997 and BHQ on an unexpected reading. Copy 18 וְהָיָ֤ה בַיּוֹם ־ הַהוּא֙ נְאֻם ־ יְהוָ֔ה תִּקְרְאִ֖י אִישִׁ֑י וְלֹֽא ־ תִקְרְאִי ־ לִ֥י ע֖וֹד בַּעְלִֽי ׃ 1 KJV:Hos.2.16 Copy 19 וַהֲסִרֹתִ֛י אֶת ־ שְׁמ֥וֹת הַבְּעָלִ֖ים מִפִּ֑יהָ וְלֹֽא ־ יִזָּכְר֥וּ ע֖וֹד בִּשְׁמָֽם ׃ 1 KJV:Hos.2.17 Copy 20 וְכָרַתִּ֨י לָהֶ֤ם בְּרִית֙ בַּיּ֣וֹם הַה֔וּא עִם ־ חַיַּ֤ת הַשָּׂדֶה֙ וְעִם ־ ע֣וֹף הַשָּׁמַ֔יִם וְרֶ֖מֶשׂ הָֽאֲדָמָ֑ה וְקֶ֨שֶׁת וְחֶ֤רֶב וּמִלְחָמָה֙ אֶשְׁבּ֣וֹר מִן ־ הָאָ֔רֶץ וְהִשְׁכַּבְתִּ֖ים לָבֶֽטַח ׃ 1 KJV:Hos.2.18 Copy 21 וְאֵרַשְׂתִּ֥יךְ לִ֖י לְעוֹלָ֑ם וְאֵרַשְׂתִּ֥יךְ לִי֙ בְּצֶ֣דֶק וּבְמִשְׁפָּ֔ט וּבְחֶ֖סֶד וּֽבְרַחֲמִֽים ׃ 1 KJV:Hos.2.19 Copy 22 וְאֵרַשְׂתִּ֥יךְ לִ֖י בֶּאֱמוּנָ֑ה וְיָדַ֖עַתְּ אֶת ־ יְהוָֽה ׃ ס 1 KJV:Hos.2.20 Copy 23 וְהָיָ֣ה ׀ בַּיּ֣וֹם הַה֗וּא אֶֽעֱנֶה֙ נְאֻם ־ יְהוָ֔ה אֶעֱנֶ֖ה אֶת ־ הַשָּׁמָ֑יִם וְהֵ֖ם יַעֲנ֥וּ אֶת ־ הָאָֽרֶץ ׃ 1 KJV:Hos.2.21 Copy 24 וְהָאָ֣רֶץ תַּעֲנֶ֔ה אֶת ־ הַדָּגָ֖ן וְאֶת ־ הַתִּיר֣וֹשׁ וְאֶת ־ הַיִּצְהָ֑ר וְהֵ֖ם יַעֲנ֥וּ אֶֽת ־ יִזְרְעֶֽאל ׃ 1 KJV:Hos.2.22 Copy 25 וּזְרַעְתִּ֤יהָ לִּי֙ בָּאָ֔רֶץ וְרִֽחַמְתִּ֖י אֶת ־ לֹ֣א רֻחָ֑מָה וְאָמַרְתִּ֤י לְלֹֽא ־ עַמִּי֙ עַמִּי ־ אַ֔תָּה וְה֖וּא יֹאמַ֥ר אֱלֹהָֽי ׃ פ 1 KJV:Hos.2.23 Copy
