Skip to main content
Bible Study Resources › Translations › Job 6 Text size 19px Width Narrow Wide Theme Light Sepia Dark Save settings Highlight selection Add note Annotate selection
Save reading position
Bible Reader
Job 6 Open Scriptures Hebrew Bible
Work Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalms Proverbs Ecclesiastes Song Of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
Close Section Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42
Job 6 1 וַיַּ֥עַן אִיּ֗וֹב וַיֹּאמַֽר ׃ Copy 2 ל֗וּ שָׁק֣וֹל יִשָּׁקֵ֣ל כַּעְשִׂ֑י והיתי בְּֽמֹאזְנַ֥יִם יִשְׂאוּ ־ יָֽחַד ׃ 1 Written form / alternate reading: ו / הית / י / Reading: וְ֝ / הַוָּתִ֗ / י Copy 3 כִּֽי ־ עַתָּ֗ה מֵח֣וֹל יַמִּ֣ים יִכְבָּ֑ד עַל ־ כֵּ֝֗ן דְּבָרַ֥י לָֽעוּ ׃ Copy 4 כִּ֤י חִצֵּ֪י שַׁדַּ֡י עִמָּדִ֗י אֲשֶׁ֣ר חֲ֭מָתָם שֹׁתָ֣ה רוּחִ֑י בִּעוּתֵ֖י אֱל֣וֹהַּ יַֽעַרְכֽוּנִי ׃ Copy 5 הֲיִֽנְהַק ־ פֶּ֥רֶא עֲלֵי ־ דֶ֑שֶׁא אִ֥ם יִגְעֶה ־ שּׁ֝֗וֹר עַל ־ בְּלִילֽוֹ ׃ Copy 6 הֲיֵאָכֵ֣ל תָּ֭פֵל מִבְּלִי ־ מֶ֑לַח אִם ־ יֶשׁ ־ טַ֝֗עַם בְּרִ֣יר חַלָּמֽוּת ׃ Copy 7 מֵאֲנָ֣ה לִנְגּ֣וֹעַ נַפְשִׁ֑י הֵ֝֗מָּה כִּדְוֵ֥י לַחְמִֽי ׃ Copy 8 מִֽי ־ יִ֭תֵּן תָּב֣וֹא שֶֽׁאֱלָתִ֑י וְ֝תִקְוָתִ֗י יִתֵּ֥ן אֱלֽוֹהַּ ׃ Copy 9 וְיֹאֵ֣ל אֱ֭לוֹהַּ וִֽידַכְּאֵ֑נִי יַתֵּ֥ר יָ֝ד֗וֹ וִֽיבַצְּעֵֽנִי ׃ Copy 10 וּ֥תְהִי ע֨וֹד ׀ נֶ֘חָ֤מָתִ֗י וַאֲסַלְּדָ֣ה בְ֭חִילָה לֹ֣א יַחְמ֑וֹל כִּי ־ לֹ֥א כִ֝חַ֗דְתִּי אִמְרֵ֥י קָדֽוֹשׁ ׃ Copy 11 מַה ־ כֹּחִ֥י כִֽי ־ אֲיַחֵ֑ל וּמַה ־ קִּ֝צִּ֗י כִּֽי ־ אַאֲרִ֥יךְ נַפְשִֽׁי ׃ Copy 12 אִם ־ כֹּ֣חַ אֲבָנִ֣ים כֹּחִ֑י אִֽם ־ בְּשָׂרִ֥י נָחֽוּשׁ ׃ Copy 13 הַאִ֬ם אֵ֣ין עֶזְרָתִ֣י בִ֑י וְ֝תֻשִׁיָּ֗ה נִדְּחָ֥ה מִמֶּֽנִּי ׃ Copy 14 לַמָּ֣ס מֵרֵעֵ֣הוּ חָ֑סֶד וְיִרְאַ֖ת שַׁדַּ֣י יַעֲזֽוֹב ׃ Copy 15 אַ֭חַי בָּגְד֣וּ כְמוֹ ־ נָ֑חַל כַּאֲפִ֖יק נְחָלִ֣ים יַעֲבֹֽרוּ ׃ Copy 16 הַקֹּדְרִ֥ים מִנִּי ־ קָ֑רַח עָ֝לֵ֗ימוֹ יִתְעַלֶּם ־ שָֽׁלֶג ׃ Copy 17 בְּ֭עֵת יְזֹרְב֣וּ נִצְמָ֑תוּ בְּ֝חֻמּ֗וֹ נִדְעֲכ֥וּ מִמְּקוֹמָֽם ׃ Copy 18 יִ֭לָּ֣פְתוּ אָרְח֣וֹת דַּרְכָּ֑ם יַעֲל֖וּ בַתֹּ֣הוּ וְיֹאבֵֽדוּ ׃ Copy 19 הִ֭בִּיטוּ אָרְח֣וֹת תֵּמָ֑א הֲלִיכֹ֥ת שְׁ֝בָ֗א קִוּוּ ־ לָֽמוֹ ׃ Copy 20 בֹּ֥שׁוּ כִּֽי ־ בָטָ֑ח בָּ֥אוּ עָ֝דֶ֗יהָ וַיֶּחְפָּֽרוּ ׃ 1 BHS has been faithful to the Leningrad Codex where there might be a question of the validity of the form and we keep the same form as BHS. Copy 21 כִּֽי ־ עַ֭תָּה הֱיִ֣יתֶם לא תִּֽרְא֥וּ חֲ֝תַ֗ת וַתִּירָֽאוּ ׃ 1 Written form / alternate reading: לא / Reading: ל֑ / וֹ Copy 22 הֲֽכִי ־ אָ֭מַרְתִּי הָ֣בוּ לִ֑י וּ֝מִכֹּחֲכֶ֗ם שִׁחֲד֥וּ בַעֲדִֽי ׃ Copy 23 וּמַלְּט֥וּנִי מִיַּד ־ צָ֑ר וּמִיַּ֖ד עָרִיצִ֣ים תִּפְדּֽוּנִי ׃ Copy 24 ה֭וֹרוּנִי וַאֲנִ֣י אַחֲרִ֑ישׁ וּמַה ־ שָּׁ֝גִ֗יתִי הָבִ֥ינוּ לִֽי ׃ Copy 25 מַה ־ נִּמְרְצ֥וּ אִמְרֵי ־ יֹ֑שֶׁר וּמַה ־ יּוֹכִ֖יחַ הוֹכֵ֣חַ מִכֶּֽם ׃ Copy 26 הַלְהוֹכַ֣ח מִלִּ֣ים תַּחְשֹׁ֑בוּ וּ֝לְר֗וּחַ אִמְרֵ֥י נֹאָֽשׁ ׃ Copy 27 אַף ־ עַל ־ יָת֥וֹם תַּפִּ֑ילוּ וְ֝תִכְר֗וּ עַל ־ רֵֽיעֲכֶֽם ׃ Copy 28 וְ֭עַתָּה הוֹאִ֣ילוּ פְנוּ ־ בִ֑י וְעַל ־ פְּ֝נֵיכֶ֗ם אִם ־ אֲכַזֵּֽב ׃ Copy 29 שֻֽׁבוּ ־ נָ֭א אַל ־ תְּהִ֣י עַוְלָ֑ה ושבי ע֝וֹד צִדְקִי ־ בָֽהּ ׃ 1 Written form / alternate reading: ו / שבי / Reading: וְ / שׁ֥וּבוּ 2 We read one or more accents in L differently than BHS. Often this notation indicates a typographical error in BHS. 3 We read one or more consonants in L differently from BHS. Copy 30 הֲיֵשׁ ־ בִּלְשׁוֹנִ֥י עַוְלָ֑ה אִם ־ חִ֝כִּ֗י לֹא ־ יָבִ֥ין הַוּֽוֹת ׃ Copy
