Skip to main content
Bible Study Resources › Translations › Joshua 10 Text size 19px Width Narrow Wide Theme Light Sepia Dark Save settings Highlight selection Add note Annotate selection
Save reading position
Bible Reader
Joshua 10 Open Scriptures Hebrew Bible
Work Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalms Proverbs Ecclesiastes Song Of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
Close Section Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24
Joshua 10 1 וַיְהִי֩ כִשְׁמֹ֨עַ אֲדֹֽנִי ־ צֶ֜דֶק מֶ֣לֶךְ יְרוּשָׁלִַ֗ם כִּֽי ־ לָכַ֨ד יְהוֹשֻׁ֣עַ אֶת ־ הָעַי֮ וַיַּחֲרִימָהּ֒ כַּאֲשֶׁ֨ר עָשָׂ֤ה לִֽירִיחוֹ֙ וּלְמַלְכָּ֔הּ כֵּן ־ עָשָׂ֥ה לָעַ֖י וּלְמַלְכָּ֑הּ וְכִ֨י הִשְׁלִ֜ימוּ יֹשְׁבֵ֤י גִבְעוֹן֙ אֶת ־ יִשְׂרָאֵ֔ל וַיִּֽהְי֖וּ בְּקִרְבָּֽם ׃ Copy 2 וַיִּֽירְא֣וּ מְאֹ֔ד כִּ֣י עִ֤יר גְּדוֹלָה֙ גִּבְע֔וֹן כְּאַחַ֖ת עָרֵ֣י הַמַּמְלָכָ֑ה וְכִ֨י הִ֤יא גְדוֹלָה֙ מִן ־ הָעַ֔י וְכָל ־ אֲנָשֶׁ֖יהָ גִּבֹּרִֽים ׃ Copy 3 וַיִּשְׁלַ֨ח אֲדֹנִי ־ צֶ֜דֶק מֶ֣לֶךְ יְרוּשָׁלִַ֗ם אֶל ־ הוֹהָ֣ם מֶֽלֶךְ ־ חֶ֠בְרוֹן וְאֶל ־ פִּרְאָ֨ם מֶֽלֶךְ ־ יַרְמ֜וּת וְאֶל ־ יָפִ֧יעַ מֶֽלֶךְ ־ לָכִ֛ישׁ וְאֶל ־ דְּבִ֥יר מֶֽלֶךְ ־ עֶגְל֖וֹן לֵאמֹֽר ׃ Copy 4 עֲלֽוּ ־ אֵלַ֣י וְעִזְרֻ֔נִי וְנַכֶּ֖ה אֶת ־ גִּבְע֑וֹן כִּֽי ־ הִשְׁלִ֥ימָה אֶת ־ יְהוֹשֻׁ֖עַ וְאֶת ־ בְּנֵ֥י יִשְׂרָאֵֽל ׃ Copy 5 וַיֵּאָסְפ֨וּ וַֽיַּעֲל֜וּ חֲמֵ֣שֶׁת ׀ מַלְכֵ֣י הָאֱמֹרִ֗י מֶ֣לֶךְ יְרוּשָׁלִַ֜ם מֶֽלֶךְ ־ חֶבְר֤וֹן מֶֽלֶךְ ־ יַרְמוּת֙ מֶֽלֶךְ ־ לָכִ֣ישׁ מֶֽלֶךְ ־ עֶגְל֔וֹן הֵ֖ם וְכָל ־ מַֽחֲנֵיהֶ֑ם וַֽיַּחֲנוּ֙ עַל ־ גִּבְע֔וֹן וַיִּֽלָּחֲמ֖וּ עָלֶֽיהָ ׃ Copy 6 וַיִּשְׁלְח֣וּ אַנְשֵׁי֩ גִבְע֨וֹן אֶל ־ יְהוֹשֻׁ֤עַ אֶל ־ הַֽמַּחֲנֶה֙ הַגִּלְגָּ֣לָה לֵאמֹ֔ר אַל ־ תֶּ֥רֶף יָדֶ֖יךָ מֵֽעֲבָדֶ֑יךָ עֲלֵ֧ה אֵלֵ֣ינוּ מְהֵרָ֗ה וְהוֹשִׁ֤יעָה לָּ֨נוּ֙ וְעָזְרֵ֔נוּ כִּ֚י נִקְבְּצ֣וּ אֵלֵ֔ינוּ כָּל ־ מַלְכֵ֥י הָאֱמֹרִ֖י יֹשְׁבֵ֥י הָהָֽר ׃ Copy 7 וַיַּ֨עַל יְהוֹשֻׁ֜עַ מִן ־ הַגִּלְגָּ֗ל ה֚וּא וְכָל ־ עַ֤ם הַמִּלְחָמָה֙ עִמּ֔וֹ וְכֹ֖ל גִּבּוֹרֵ֥י הֶחָֽיִל ׃ פ Copy 8 וַיֹּ֨אמֶר יְהוָ֤ה אֶל ־ יְהוֹשֻׁ֨עַ֙ אַל ־ תִּירָ֣א מֵהֶ֔ם כִּ֥י בְיָדְךָ֖ נְתַתִּ֑ים לֹֽא ־ יַעֲמֹ֥ד אִ֛ישׁ מֵהֶ֖ם בְּפָנֶֽיךָ ׃ Copy 9 וַיָּבֹ֧א אֲלֵיהֶ֛ם יְהוֹשֻׁ֖עַ פִּתְאֹ֑ם כָּל ־ הַלַּ֕יְלָה עָלָ֖ה מִן ־ הַגִּלְגָּֽל ׃ Copy 10 וַיְהֻמֵּ֤ם יְהוָה֙ לִפְנֵ֣י יִשְׂרָאֵ֔ל וַיַּכֵּ֥ם מַכָּֽה ־ גְדוֹלָ֖ה בְּגִבְע֑וֹן וַֽיִּרְדְּפֵ֗ם דֶּ֚רֶךְ מַעֲלֵ֣ה בֵית ־ חוֹרֹ֔ן וַיַּכֵּ֥ם עַד ־ עֲזֵקָ֖ה וְעַד ־ מַקֵּדָֽה ׃ Copy 11 וַיְהִ֞י בְּנֻסָ֣ם ׀ מִפְּנֵ֣י יִשְׂרָאֵ֗ל הֵ֞ם בְּמוֹרַ֤ד בֵּית ־ חוֹרֹן֙ וַֽיהוָ֡ה הִשְׁלִ֣יךְ עֲלֵיהֶם֩ אֲבָנִ֨ים גְּדֹל֧וֹת מִן ־ הַשָּׁמַ֛יִם עַד ־ עֲזֵקָ֖ה וַיָּמֻ֑תוּ רַבִּ֗ים אֲשֶׁר ־ מֵ֨תוּ֙ בְּאַבְנֵ֣י הַבָּרָ֔ד מֵאֲשֶׁ֥ר הָרְג֛וּ בְּנֵ֥י יִשְׂרָאֵ֖ל בֶּחָֽרֶב 12 אָ֣ז יְדַבֵּ֤ר יְהוֹשֻׁעַ֙ לַֽיהוָ֔ה בְּי֗וֹם תֵּ֤ת יְהוָה֙ אֶת ־ הָ֣אֱמֹרִ֔י לִפְנֵ֖י בְּנֵ֣י יִשְׂרָאֵ֑ל וַיֹּ֣אמֶר ׀ לְעֵינֵ֣י יִשְׂרָאֵ֗ל שֶׁ֚מֶשׁ בְּגִבְע֣וֹן דּ֔וֹם וְיָרֵ֖חַ בְּעֵ֥מֶק אַיָּלֽוֹן ׃ Copy 13 וַיִּדֹּ֨ם הַשֶּׁ֜מֶשׁ וְיָרֵ֣חַ עָמָ֗ד עַד ־ יִקֹּ֥ם גּוֹי֙ אֹֽיְבָ֔יו הֲלֹא ־ הִ֥יא כְתוּבָ֖ה עַל ־ סֵ֣פֶר הַיָּשָׁ֑ר וַיַּעֲמֹ֤ד הַשֶּׁ֨מֶשׁ֙ בַּחֲצִ֣י הַשָּׁמַ֔יִם וְלֹא ־ אָ֥ץ לָב֖וֹא כְּי֥וֹם תָּמִֽים ׃ Copy 14 וְלֹ֨א הָיָ֜ה כַּיּ֤וֹם הַהוּא֙ לְפָנָ֣יו וְאַחֲרָ֔יו לִשְׁמֹ֥עַ יְהוָ֖ה בְּק֣וֹל אִ֑ישׁ כִּ֣י יְהוָ֔ה נִלְחָ֖ם לְיִשְׂרָאֵֽל ׃ פ Copy 15 וַיָּ֤שָׁב יְהוֹשֻׁ֨עַ֙ וְכָל ־ יִשְׂרָאֵ֣ל עִמּ֔וֹ אֶל ־ הַֽמַּחֲנֶ֖ה הַגִּלְגָּֽלָה ׃ Copy 16 וַיָּנֻ֕סוּ חֲמֵ֖שֶׁת הַמְּלָכִ֣ים הָאֵ֑לֶּה וַיֵּחָבְא֥וּ בַמְּעָרָ֖ה בְּמַקֵּדָֽה ׃ Copy 17 וַיֻּגַּ֖ד לִיהוֹשֻׁ֣עַ לֵאמֹ֑ר נִמְצְאוּ֙ חֲמֵ֣שֶׁת הַמְּלָכִ֔ים נֶחְבְּאִ֥ים בַּמְּעָרָ֖ה בְּמַקֵּדָֽה ׃ Copy 18 וַיֹּ֣אמֶר יְהוֹשֻׁ֔עַ גֹּ֛לּוּ אֲבָנִ֥ים גְּדֹל֖וֹת אֶל ־ פִּ֣י הַמְּעָרָ֑ה וְהַפְקִ֧ידוּ עָלֶ֛יהָ אֲנָשִׁ֖ים לְשָׁמְרָֽם ׃ Copy 19 וְאַתֶּם֙ אַֽל ־ תַּעֲמֹ֔דוּ רִדְפוּ֙ אַחֲרֵ֣י אֹֽיְבֵיכֶ֔ם וְזִנַּבְתֶּ֖ם אוֹתָ֑ם אַֽל ־ תִּתְּנ֗וּם לָבוֹא֙ אֶל ־ עָ֣רֵיהֶ֔ם כִּ֧י נְתָנָ֛ם יְהוָ֥ה אֱלֹהֵיכֶ֖ם בְּיֶדְכֶֽם ׃ Copy 20 וַיְהִי֩ כְּכַלּ֨וֹת יְהוֹשֻׁ֜עַ וּבְנֵ֣י יִשְׂרָאֵ֗ל לְהַכּוֹתָ֛ם מַכָּ֥ה גְדוֹלָֽה ־ מְאֹ֖ד עַד ־ תֻּמָּ֑ם וְהַשְּׂרִידִים֙ שָׂרְד֣וּ מֵהֶ֔ם וַיָּבֹ֖אוּ אֶל ־ עָרֵ֥י הַמִּבְצָֽר ׃ Copy 21 וַיָּשֻׁבוּ֩ כָל ־ הָעָ֨ם אֶל ־ הַמַּחֲנֶ֧ה אֶל ־ יְהוֹשֻׁ֛עַ מַקֵּדָ֖ה בְּשָׁל֑וֹם לֹֽא ־ חָרַ֞ץ לִבְנֵ֧י יִשְׂרָאֵ֛ל לְאִ֖ישׁ אֶת ־ לְשֹׁנֽוֹ ׃ Copy 22 וַיֹּ֣אמֶר יְהוֹשֻׁ֔עַ פִּתְח֖וּ אֶת ־ פִּ֣י הַמְּעָרָ֑ה וְהוֹצִ֣יאוּ אֵלַ֗י אֶת ־ חֲמֵ֛שֶׁת הַמְּלָכִ֥ים הָאֵ֖לֶּה מִן ־ הַמְּעָרָֽה ׃ Copy 23 וַיַּ֣עֲשׂוּ כֵ֔ן וַיֹּצִ֣יאוּ אֵלָ֗יו אֶת ־ חֲמֵ֛שֶׁת הַמְּלָכִ֥ים הָאֵ֖לֶּה מִן ־ הַמְּעָרָ֑ה אֵ֣ת ׀ מֶ֣לֶךְ יְרוּשָׁלִַ֗ם אֶת ־ מֶ֤לֶךְ חֶבְרוֹן֙ אֶת ־ מֶ֣לֶךְ יַרְמ֔וּת אֶת ־ מֶ֥לֶךְ לָכִ֖ישׁ אֶת ־ מֶ֥לֶךְ עֶגְלֽוֹן ׃ Copy 24 וַ֠יְהִי כְּֽהוֹצִיאָ֞ם אֶת ־ הַמְּלָכִ֣ים הָאֵלֶּה֮ אֶל ־ יְהוֹשֻׁעַ֒ וַיִּקְרָ֨א יְהוֹשֻׁ֜עַ אֶל ־ כָּל ־ אִ֣ישׁ יִשְׂרָאֵ֗ל וַ֠יֹּאמֶר אֶל ־ קְצִינֵ֞י אַנְשֵׁ֤י הַמִּלְחָמָה֙ הֶהָלְכ֣וּא אִתּ֔וֹ קִרְב֗וּ שִׂ֚ימוּ אֶת ־ רַגְלֵיכֶ֔ם עַֽל ־ צַוְּארֵ֖י הַמְּלָכִ֣ים הָאֵ֑לֶּה 25 וַיֹּ֤אמֶר אֲלֵיהֶם֙ יְהוֹשֻׁ֔עַ אַל ־ תִּֽירְא֖וּ וְאַל ־ תֵּחָ֑תּוּ חִזְק֣וּ וְאִמְצ֔וּ כִּ֣י כָ֗כָה יַעֲשֶׂ֤ה יְהוָה֙ לְכָל ־ אֹ֣יְבֵיכֶ֔ם אֲשֶׁ֥ר אַתֶּ֖ם נִלְחָמִ֥ים אוֹתָֽם ׃ Copy 26 וַיַּכֵּ֨ם יְהוֹשֻׁ֤עַ אַֽחֲרֵי ־ כֵן֙ וַיְמִיתֵ֔ם וַיִּתְלֵ֕ם עַ֖ל חֲמִשָּׁ֣ה עֵצִ֑ים וַיִּֽהְי֛וּ תְּלוּיִ֥ם עַל ־ הָעֵצִ֖ים עַד ־ הָעָֽרֶב ׃ Copy 27 וַיְהִ֞י לְעֵ֣ת ׀ בּ֣וֹא הַשֶּׁ֗מֶשׁ צִוָּ֤ה יְהוֹשֻׁ֨עַ֙ וַיֹּֽרִידוּם֙ מֵעַ֣ל הָעֵצִ֔ים וַיַּ֨שְׁלִכֻ֔ם אֶל ־ הַמְּעָרָ֖ה אֲשֶׁ֣ר נֶחְבְּאוּ ־ שָׁ֑ם וַיָּשִׂ֜מוּ אֲבָנִ֤ים גְּדֹלוֹת֙ עַל ־ פִּ֣י הַמְּעָרָ֔ה עַד ־ עֶ֖צֶם הַיּ֥וֹם הַזֶּֽה ׃ פ Copy 28 וְאֶת ־ מַקֵּדָה֩ לָכַ֨ד יְהוֹשֻׁ֜עַ בַּיּ֣וֹם הַה֗וּא וַיַּכֶּ֣הָ לְפִי ־ חֶרֶב֮ וְאֶת ־ מַלְכָּהּ֒ הֶחֱרִ֣ם אוֹתָ֗ם וְאֶת ־ כָּל ־ הַנֶּ֨פֶשׁ֙ אֲשֶׁר ־ בָּ֔הּ לֹ֥א הִשְׁאִ֖יר שָׂרִ֑יד וַיַּ֨עַשׂ֙ לְמֶ֣לֶךְ מַקֵּדָ֔ה כַּאֲשֶׁ֥ר עָשָׂ֖ה לְמֶ֥לֶךְ יְרִיחֽוֹ ׃ Copy 29 וַיַּעֲבֹ֣ר יְ֠הוֹשֻׁעַ וְכָֽל ־ יִשְׂרָאֵ֥ל עִמּ֛וֹ מִמַּקֵּדָ֖ה לִבְנָ֑ה וַיִּלָּ֖חֶם עִם ־ לִבְנָֽה ׃ Copy 30 וַיִּתֵּן֩ יְהוָ֨ה גַּם ־ אוֹתָ֜הּ בְּיַ֣ד יִשְׂרָאֵ֘ל וְאֶת ־ מַלְכָּהּ֒ וַיַּכֶּ֣הָ לְפִי ־ חֶ֗רֶב וְאֶת ־ כָּל ־ הַנֶּ֨פֶשׁ֙ אֲשֶׁר ־ בָּ֔הּ לֹֽא ־ הִשְׁאִ֥יר בָּ֖הּ שָׂרִ֑יד וַיַּ֣עַשׂ לְמַלְכָּ֔הּ כַּאֲשֶׁ֥ר עָשָׂ֖ה לְמֶ֥לֶךְ יְרִיחֽוֹ ׃ ס 1 BHS has been faithful to the Leningrad Codex where there might be a question of the validity of the form and we keep the same form as BHS. Copy 31 וַיַּעֲבֹ֣ר יְ֠הוֹשֻׁעַ וְכָל ־ יִשְׂרָאֵ֥ל עִמּ֛וֹ מִלִּבְנָ֖ה לָכִ֑ישָׁה וַיִּ֣חַן עָלֶ֔יהָ וַיִּלָּ֖חֶם בָּֽהּ ׃ Copy 32 וַיִּתֵּן֩ יְהוָ֨ה אֶת ־ לָכִ֜ישׁ בְּיַ֣ד יִשְׂרָאֵ֗ל וַֽיִּלְכְּדָהּ֙ בַּיּ֣וֹם הַשֵּׁנִ֔י וַיַּכֶּ֣הָ לְפִי ־ חֶ֔רֶב וְאֶת ־ כָּל ־ הַנֶּ֖פֶשׁ אֲשֶׁר ־ בָּ֑הּ כְּכֹ֥ל אֲשֶׁר ־ עָשָׂ֖ה לְלִבְנָֽה ׃ פ Copy 33 אָ֣ז עָלָ֗ה הֹרָם֙ מֶ֣לֶךְ גֶּ֔זֶר לַעְזֹ֖ר אֶת ־ לָכִ֑ישׁ וַיַּכֵּ֤הוּ יְהוֹשֻׁ֨עַ֙ וְאֶת ־ עַמּ֔וֹ עַד ־ בִּלְתִּ֥י הִשְׁאִֽיר ־ ל֖וֹ שָׂרִֽיד ׃ Copy 34 וַיַּעֲבֹ֣ר יְ֠הוֹשֻׁעַ וְכָל ־ יִשְׂרָאֵ֥ל עִמּ֛וֹ מִלָּכִ֖ישׁ עֶגְלֹ֑נָה וַיַּחֲנ֣וּ עָלֶ֔יהָ וַיִּֽלָּחֲמ֖וּ עָלֶֽיהָ ׃ Copy 35 וַֽיִּלְכְּד֜וּהָ בַּיּ֤וֹם הַהוּא֙ וַיַּכּ֣וּהָ לְפִי ־ חֶ֔רֶב וְאֵת֙ כָּל ־ הַנֶּ֣פֶשׁ אֲשֶׁר ־ בָּ֔הּ בַּיּ֥וֹם הַה֖וּא הֶחֱרִ֑ים כְּכֹ֥ל אֲשֶׁר ־ עָשָׂ֖ה לְלָכִֽישׁ ׃ פ Copy 36 וַיַּ֣עַל יְ֠הוֹשֻׁעַ וְכָֽל ־ יִשְׂרָאֵ֥ל עִמּ֛וֹ מֵעֶגְל֖וֹנָה חֶבְר֑וֹנָה וַיִּֽלָּחֲמ֖וּ עָלֶֽיהָ ׃ Copy 37 וַיִּלְכְּד֣וּהָ וַיַּכּֽוּהָ ־ לְפִי ־ חֶ֠רֶב וְאֶת ־ מַלְכָּ֨הּ וְאֶת ־ כָּל ־ עָרֶ֜יהָ וְאֶת ־ כָּל ־ הַנֶּ֤פֶשׁ אֲשֶׁר ־ בָּהּ֙ לֹֽא ־ הִשְׁאִ֣יר שָׂרִ֔יד כְּכֹ֥ל אֲשֶׁר ־ עָשָׂ֖ה לְעֶגְל֑וֹן וַיַּחֲרֵ֣ם אוֹתָ֔הּ וְאֶת ־ כָּל ־ הַנֶּ֖פֶשׁ אֲשֶׁר ־ בָּֽהּ ׃ ס Copy 38 וַיָּ֧שָׁב יְהוֹשֻׁ֛עַ וְכָל ־ יִשְׂרָאֵ֥ל עִמּ֖וֹ דְּבִ֑רָה וַיִּלָּ֖חֶם עָלֶֽיהָ ׃ Copy 39 וַֽיִּלְכְּדָ֞הּ וְאֶת ־ מַלְכָּ֤הּ וְאֶת ־ כָּל ־ עָרֶ֨יהָ֙ וַיַּכּ֣וּם לְפִי ־ חֶ֔רֶב וַֽיַּחֲרִ֨ימוּ֙ אֶת ־ כָּל ־ נֶ֣פֶשׁ אֲשֶׁר ־ בָּ֔הּ לֹ֥א הִשְׁאִ֖יר שָׂרִ֑יד כַּאֲשֶׁ֨ר עָשָׂ֜ה לְחֶבְר֗וֹן כֵּן ־ עָשָׂ֤ה לִדְבִ֨רָה֙ וּלְמַלְכָּ֔הּ וְכַאֲשֶׁ֥ר עָשָׂ֛ה לְלִבְנָ֖ה וּלְמַלְכָּֽהּ 40 וַיַּכֶּ֣ה יְהוֹשֻׁ֣עַ אֶת ־ כָּל ־ הָאָ֡רֶץ הָהָר֩ וְהַנֶּ֨גֶב וְהַשְּׁפֵלָ֜ה וְהָאֲשֵׁד֗וֹת וְאֵת֙ כָּל ־ מַלְכֵיהֶ֔ם לֹ֥א הִשְׁאִ֖יר שָׂרִ֑יד וְאֵ֤ת כָּל ־ הַנְּשָׁמָה֙ הֶחֱרִ֔ים כַּאֲשֶׁ֣ר צִוָּ֔ה יְהוָ֖ה אֱלֹהֵ֥י יִשְׂרָאֵֽל ׃ Copy 41 וַיַּכֵּ֧ם יְהוֹשֻׁ֛עַ מִקָּדֵ֥שׁ בַּרְנֵ֖עַ וְעַד ־ עַזָּ֑ה וְאֵ֛ת כָּל ־ אֶ֥רֶץ גֹּ֖שֶׁן וְעַד ־ גִּבְעֽוֹן ׃ Copy 42 וְאֵ֨ת כָּל ־ הַמְּלָכִ֤ים הָאֵ֨לֶּה֙ וְאֶת ־ אַרְצָ֔ם לָכַ֥ד יְהוֹשֻׁ֖עַ פַּ֣עַם אֶחָ֑ת כִּ֗י יְהוָה֙ אֱלֹהֵ֣י יִשְׂרָאֵ֔ל נִלְחָ֖ם לְיִשְׂרָאֵֽל ׃ Copy 43 וַיָּ֤שָׁב יְהוֹשֻׁ֨עַ֙ וְכָל ־ יִשְׂרָאֵ֣ל עִמּ֔וֹ אֶל ־ הַֽמַּחֲנֶ֖ה הַגִּלְגָּֽלָה ׃ פ Copy
׃
ס
Copy
וַֽיִּקְרְב֔וּ
וַיָּשִׂ֥ימוּ
אֶת
־
רַגְלֵיהֶ֖ם
עַל
־
צַוְּארֵיהֶֽם
׃
Copy
׃
Copy
