Skip to main content
Bible Study Resources › Translations › Judges 13 Text size 19px Width Narrow Wide Theme Light Sepia Dark Save settings Highlight selection Add note Annotate selection
Save reading position
Bible Reader
Judges 13 Open Scriptures Hebrew Bible
Work Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalms Proverbs Ecclesiastes Song Of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
Close Section Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21
Judges 13 1 וַיֹּסִ֨פוּ֙ בְּנֵ֣י יִשְׂרָאֵ֔ל לַעֲשׂ֥וֹת הָרַ֖ע בְּעֵינֵ֣י יְהוָ֑ה וַיִּתְּנֵ֧ם יְהוָ֛ה בְּיַד ־ פְּלִשְׁתִּ֖ים אַרְבָּעִ֥ים שָׁנָֽה ׃ פ Copy 2 וַיְהִי֩ אִ֨ישׁ אֶחָ֧ד מִצָּרְעָ֛ה מִמִּשְׁפַּ֥חַת הַדָּנִ֖י וּשְׁמ֣וֹ מָנ֑וֹחַ וְאִשְׁתּ֥וֹ עֲקָרָ֖ה וְלֹ֥א יָלָֽדָה ׃ Copy 3 וַיֵּרָ֥א מַלְאַךְ ־ יְהוָ֖ה אֶל ־ הָאִשָּׁ֑ה וַיֹּ֣אמֶר אֵלֶ֗יהָ הִנֵּה ־ נָ֤א אַתְּ ־ עֲקָרָה֙ וְלֹ֣א יָלַ֔דְתְּ וְהָרִ֖ית וְיָלַ֥דְתְּ בֵּֽן ׃ Copy 4 וְעַתָּה֙ הִשָּׁ֣מְרִי נָ֔א וְאַל ־ תִּשְׁתִּ֖י יַ֣יִן וְשֵׁכָ֑ר וְאַל ־ תֹּאכְלִ֖י כָּל ־ טָמֵֽא ׃ Copy 5 כִּי֩ הִנָּ֨ךְ הָרָ֜ה וְיֹלַ֣דְתְּ בֵּ֗ן וּמוֹרָה֙ לֹא ־ יַעֲלֶ֣ה עַל ־ רֹאשׁ֔וֹ כִּֽי ־ נְזִ֧יר אֱלֹהִ֛ים יִהְיֶ֥ה הַנַּ֖עַר מִן ־ הַבָּ֑טֶן וְה֗וּא יָחֵ֛ל לְהוֹשִׁ֥יעַ אֶת ־ יִשְׂרָאֵ֖ל מִיַּ֥ד פְּלִשְׁתִּֽים ׃ Copy 6 וַתָּבֹ֣א הָאִשָּׁ֗ה וַתֹּ֣אמֶר לְאִישָׁהּ֮ לֵאמֹר֒ אִ֤ישׁ הָאֱלֹהִים֙ בָּ֣א אֵלַ֔י וּמַרְאֵ֕הוּ כְּמַרְאֵ֛ה מַלְאַ֥ךְ הָאֱלֹהִ֖ים נוֹרָ֣א מְאֹ֑ד וְלֹ֤א שְׁאִלְתִּ֨יהוּ֙ אֵֽי ־ מִזֶּ֣ה ה֔וּא וְאֶת ־ שְׁמ֖וֹ לֹֽא ־ הִגִּ֥יד לִֽי ׃ Copy 7 וַיֹּ֣אמֶר לִ֔י הִנָּ֥ךְ הָרָ֖ה וְיֹלַ֣דְתְּ בֵּ֑ן וְעַתָּ֞ה אַל ־ תִּשְׁתִּ֣י ׀ יַ֣יִן וְשֵׁכָ֗ר וְאַל ־ תֹּֽאכְלִי֙ כָּל ־ טֻמְאָ֔ה כִּֽי ־ נְזִ֤יר אֱלֹהִים֙ יִהְיֶ֣ה הַנַּ֔עַר מִן ־ הַבֶּ֖טֶן עַד ־ י֥וֹם מוֹתֽוֹ ׃ פ Copy 8 וַיֶּעְתַּ֥ר מָנ֛וֹחַ אֶל ־ יְהוָ֖ה וַיֹּאמַ֑ר בִּ֣י אֲדוֹנָ֔י אִ֣ישׁ הָאֱלֹהִ֞ים אֲשֶׁ֣ר שָׁלַ֗חְתָּ יָבוֹא ־ נָ֥א עוֹד֙ אֵלֵ֔ינוּ וְיוֹרֵ֕נוּ מַֽה ־ נַּעֲשֶׂ֖ה לַנַּ֥עַר הַיּוּלָּֽד ׃ Copy 9 וַיִּשְׁמַ֥ע הָאֱלֹהִ֖ים בְּק֣וֹל מָנ֑וֹחַ וַיָּבֹ֣א מַלְאַךְ֩ הָאֱלֹהִ֨ים ע֜וֹד אֶל ־ הָאִשָּׁ֗ה וְהִיא֙ יוֹשֶׁ֣בֶת בַּשָּׂדֶ֔ה וּמָנ֥וֹחַ אִישָׁ֖הּ אֵ֥ין עִמָּֽהּ ׃ Copy 10 וַתְּמַהֵר֙ הָֽאִשָּׁ֔ה וַתָּ֖רָץ וַתַּגֵּ֣ד לְאִישָׁ֑הּ וַתֹּ֣אמֶר אֵלָ֔יו הִנֵּ֨ה נִרְאָ֤ה אֵלַי֙ הָאִ֔ישׁ אֲשֶׁר ־ בָּ֥א בַיּ֖וֹם אֵלָֽי ׃ Copy 11 וַיָּ֛קָם וַיֵּ֥לֶךְ מָנ֖וֹחַ אַחֲרֵ֣י אִשְׁתּ֑וֹ וַיָּבֹא֙ אֶל ־ הָאִ֔ישׁ וַיֹּ֣אמֶר ל֗וֹ הַאַתָּ֥ה הָאִ֛ישׁ אֲשֶׁר ־ דִּבַּ֥רְתָּ אֶל ־ הָאִשָּׁ֖ה וַיֹּ֥אמֶר אָֽנִי ׃ Copy 12 וַיֹּ֣אמֶר מָנ֔וֹחַ עַתָּ֖ה יָבֹ֣א דְבָרֶ֑יךָ מַה ־ יִּֽהְיֶ֥ה מִשְׁפַּט ־ הַנַּ֖עַר וּמַעֲשֵֽׂהוּ ׃ Copy 13 וַיֹּ֛אמֶר מַלְאַ֥ךְ יְהוָ֖ה אֶל ־ מָנ֑וֹחַ מִכֹּ֛ל אֲשֶׁר ־ אָמַ֥רְתִּי אֶל ־ הָאִשָּׁ֖ה תִּשָּׁמֵֽר ׃ Copy 14 מִכֹּ֣ל אֲשֶׁר ־ יֵצֵא֩ מִגֶּ֨פֶן הַיַּ֜יִן לֹ֣א תֹאכַ֗ל וְיַ֤יִן וְשֵׁכָר֙ אַל ־ תֵּ֔שְׁתְּ וְכָל ־ טֻמְאָ֖ה אַל ־ תֹּאכַ֑ל כֹּ֥ל אֲשֶׁר ־ צִוִּיתִ֖יהָ תִּשְׁמֹֽר ׃ Copy 15 וַיֹּ֥אמֶר מָנ֖וֹחַ אֶל ־ מַלְאַ֣ךְ יְהוָ֑ה נַעְצְרָה ־ נָּ֣א אוֹתָ֔ךְ וְנַעֲשֶׂ֥ה לְפָנֶ֖יךָ גְּדִ֥י עִזִּֽים ׃ Copy 16 וַיֹּאמֶר֩ מַלְאַ֨ךְ יְהוָ֜ה אֶל ־ מָנ֗וֹחַ אִם ־ תַּעְצְרֵ֨נִי֙ לֹא ־ אֹכַ֣ל בְּלַחְמֶ֔ךָ וְאִם ־ תַּעֲשֶׂ֣ה עֹלָ֔ה לַיהוָ֖ה תַּעֲלֶ֑נָּה כִּ֚י לֹא ־ יָדַ֣ע מָנ֔וֹחַ כִּֽי ־ מַלְאַ֥ךְ יְהוָ֖ה הֽוּא ׃ Copy 17 וַיֹּ֧אמֶר מָנ֛וֹחַ אֶל ־ מַלְאַ֥ךְ יְהוָ֖ה מִ֣י שְׁמֶ֑ךָ כִּֽי ־ יָבֹ֥א דבריך וְכִבַּדְנֽוּךָ ׃ 1 Written form / alternate reading: דברי / ך / Reading: דְבָרְ / ךָ֖ Copy 18 וַיֹּ֤אמֶר לּוֹ֙ מַלְאַ֣ךְ יְהוָ֔ה לָ֥מָּה זֶּ֖ה תִּשְׁאַ֣ל לִשְׁמִ֑י וְהוּא ־ פֶ֛לִאי ׃ ס 1 Marks a place where we agree with BHQ against BHS in reading L. 2 Marks an anomalous form. 3 We read punctuation in L differently from BHS. 4 Marks a place where we agree with BHQ against BHS in reading L. 5 We read one or more accents in L differently than BHS. Often this notation indicates a typographical error in BHS. 6 Marks an anomalous form. Copy 19 וַיִּקַּ֨ח מָנ֜וֹחַ אֶת ־ גְּדִ֤י הָעִזִּים֙ וְאֶת ־ הַמִּנְחָ֔ה וַיַּ֥עַל עַל ־ הַצּ֖וּר לַֽיהוָ֑ה וּמַפְלִ֣א לַעֲשׂ֔וֹת וּמָנ֥וֹחַ וְאִשְׁתּ֖וֹ רֹאִֽים ׃ Copy 20 וַיְהִי֩ בַעֲל֨וֹת הַלַּ֜הַב מֵעַ֤ל הַמִּזְבֵּ֨חַ֙ הַשָּׁמַ֔יְמָה וַיַּ֥עַל מַלְאַךְ ־ יְהוָ֖ה בְּלַ֣הַב הַמִּזְבֵּ֑חַ וּמָנ֤וֹחַ וְאִשְׁתּוֹ֙ רֹאִ֔ים וַיִּפְּל֥וּ עַל ־ פְּנֵיהֶ֖ם אָֽרְצָה ׃ Copy 21 וְלֹא ־ יָ֤סַף עוֹד֙ מַלְאַ֣ךְ יְהוָ֔ה לְהֵרָאֹ֖ה אֶל ־ מָנ֣וֹחַ וְאֶל ־ אִשְׁתּ֑וֹ אָ֚ז יָדַ֣ע מָנ֔וֹחַ כִּֽי ־ מַלְאַ֥ךְ יְהוָ֖ה הֽוּא ׃ Copy 22 וַיֹּ֧אמֶר מָנ֛וֹחַ אֶל ־ אִשְׁתּ֖וֹ מ֣וֹת נָמ֑וּת כִּ֥י אֱלֹהִ֖ים רָאִֽינוּ ׃ Copy 23 וַתֹּ֧אמֶר ל֣וֹ אִשְׁתּ֗וֹ לוּ֩ חָפֵ֨ץ יְהוָ֤ה לַהֲמִיתֵ֨נוּ֙ לֹֽא ־ לָקַ֤ח מִיָּדֵ֨נוּ֙ עֹלָ֣ה וּמִנְחָ֔ה וְלֹ֥א הֶרְאָ֖נוּ אֶת ־ כָּל ־ אֵ֑לֶּה וְכָעֵ֕ת לֹ֥א הִשְׁמִיעָ֖נוּ כָּזֹֽאת ׃ Copy 24 וַתֵּ֤לֶד הָֽאִשָּׁה֙ בֵּ֔ן וַתִּקְרָ֥א אֶת ־ שְׁמ֖וֹ שִׁמְשׁ֑וֹן וַיִּגְדַּ֣ל הַנַּ֔עַר וַֽיְבָרְכֵ֖הוּ יְהוָֽה ׃ Copy 25 וַתָּ֨חֶל֙ ר֣וּחַ יְהוָ֔ה לְפַעֲמ֖וֹ בְּמַחֲנֵה ־ דָ֑ן בֵּ֥ין צָרְעָ֖ה וּבֵ֥ין אֶשְׁתָּאֹֽל ׃ פ Copy
