Skip to main content
Bible Study Resources › Translations › Nehemiah 11 Text size 19px Width Narrow Wide Theme Light Sepia Dark Save settings Highlight selection Add note Annotate selection
Save reading position
Bible Reader
Nehemiah 11 Open Scriptures Hebrew Bible
Work Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalms Proverbs Ecclesiastes Song Of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
Close Section Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13
Nehemiah 11 1 וַיֵּשְׁב֥וּ שָׂרֵֽי ־ הָעָ֖ם בִּירוּשָׁלִָ֑ם וּשְׁאָ֣ר הָ֠עָם הִפִּ֨ילוּ גוֹרָל֜וֹת לְהָבִ֣יא ׀ אֶחָ֣ד מִן ־ הָעֲשָׂרָ֗ה לָשֶׁ֨בֶת֙ בִּֽירוּשָׁלִַ֨ם֙ עִ֣יר הַקֹּ֔דֶשׁ וְתֵ֥שַׁע הַיָּד֖וֹת בֶּעָרִֽים ׃ Copy 2 וַֽיְבָרֲכ֖וּ הָעָ֑ם לְכֹל֙ הָֽאֲנָשִׁ֔ים הַמִּֽתְנַדְּבִ֔ים לָשֶׁ֖בֶת בִּירוּשָׁלִָֽם ׃ פ Copy 3 וְאֵ֨לֶּה֙ רָאשֵׁ֣י הַמְּדִינָ֔ה אֲשֶׁ֥ר יָשְׁב֖וּ בִּירוּשָׁלִָ֑ם וּבְעָרֵ֣י יְהוּדָ֗ה יָֽשְׁב֞וּ אִ֤ישׁ בַּאֲחֻזָּתוֹ֙ בְּעָ֣רֵיהֶ֔ם יִשְׂרָאֵ֤ל הַכֹּהֲנִים֙ וְהַלְוִיִּ֣ם וְהַנְּתִינִ֔ים וּבְנֵ֖י עַבְדֵ֥י שְׁלֹמֹֽה ׃ Copy 4 וּבִֽירוּשָׁלִַ֨ם֙ יָֽשְׁב֔וּ מִבְּנֵ֥י יְהוּדָ֖ה וּמִבְּנֵ֣י בִנְיָמִ֑ן מִבְּנֵ֣י יְ֠הוּדָה עֲתָיָ֨ה בֶן ־ עֻזִּיָּ֜ה בֶּן ־ זְכַרְיָ֧ה בֶן ־ אֲמַרְיָ֛ה בֶּן ־ שְׁפַטְיָ֥ה בֶן ־ מַהֲלַלְאֵ֖ל מִבְּנֵי ־ פָֽרֶץ ׃ Copy 5 וּמַעֲשֵׂיָ֣ה בֶן ־ בָּר֣וּךְ בֶּן ־ כָּל ־ חֹ֠זֶה בֶּן ־ חֲזָיָ֨ה בֶן ־ עֲדָיָ֧ה בֶן ־ יוֹיָרִ֛יב בֶּן ־ זְכַרְיָ֖ה בֶּן ־ הַשִּׁלֹנִֽי ׃ 1 We read one or more accents in L differently from BHQ. Copy 6 כָּל ־ בְּנֵי ־ פֶ֕רֶץ הַיֹּשְׁבִ֖ים בִּירוּשָׁלִָ֑ם אַרְבַּ֥ע מֵא֛וֹת שִׁשִּׁ֥ים וּשְׁמֹנָ֖ה אַנְשֵׁי ־ חָֽיִל ׃ ס Copy 7 וְאֵ֖לֶּה בְּנֵ֣י בִנְיָמִ֑ן סַלֻּ֡א בֶּן ־ מְשֻׁלָּ֡ם בֶּן ־ יוֹעֵ֡ד בֶּן ־ פְּדָיָה֩ בֶן ־ ק֨וֹלָיָ֧ה בֶן ־ מַעֲשֵׂיָ֛ה בֶּן ־ אִֽיתִיאֵ֖ל בֶּן ־ יְשַֽׁעְיָֽה ׃ Copy 8 וְאַחֲרָ֖יו גַּבַּ֣י סַלָּ֑י תְּשַׁ֥ע מֵא֖וֹת עֶשְׂרִ֥ים וּשְׁמֹנָֽה ׃ Copy 9 וְיוֹאֵ֥ל בֶּן ־ זִכְרִ֖י פָּקִ֣יד עֲלֵיהֶ֑ם וִיהוּדָ֧ה בֶן ־ הַסְּנוּאָ֛ה עַל ־ הָעִ֖יר מִשְׁנֶֽה ׃ פ Copy 10 מִן ־ הַֽכֹּהֲנִ֑ים יְדַֽעְיָ֥ה בֶן ־ יוֹיָרִ֖יב יָכִֽין ׃ Copy 11 שְׂרָיָ֨ה בֶן ־ חִלְקִיָּ֜ה בֶּן ־ מְשֻׁלָּ֣ם בֶּן ־ צָד֗וֹק בֶּן ־ מְרָיוֹת֙ בֶּן ־ אֲחִיט֔וּב נְגִ֖ד בֵּ֥ית הָאֱלֹהִֽים ׃ Copy 12 וַאֲחֵיהֶ֗ם עֹשֵׂ֤י הַמְּלָאכָה֙ לַבַּ֔יִת שְׁמֹנֶ֥ה מֵא֖וֹת עֶשְׂרִ֣ים וּשְׁנָ֑יִם וַ֠עֲדָיָה בֶּן ־ יְרֹחָ֤ם בֶּן ־ פְּלַלְיָה֙ בֶּן ־ אַמְצִ֣י בֶן ־ זְכַרְיָ֔ה בֶּן ־ פַּשְׁח֖וּר בֶּן ־ מַלְכִּיָּֽה ׃ Copy 13 וְאֶחָיו֙ רָאשִׁ֣ים לְאָב֔וֹת מָאתַ֖יִם אַרְבָּעִ֣ים וּשְׁנָ֑יִם וַעֲמַשְׁסַ֧י בֶּן ־ עֲזַרְאֵ֛ל בֶּן ־ אַחְזַ֥י בֶּן ־ מְשִׁלֵּמ֖וֹת בֶּן ־ אִמֵּֽר ׃ Copy 14 וַאֲחֵיהֶם֙ גִּבּ֣וֹרֵי חַ֔יִל מֵאָ֖ה עֶשְׂרִ֣ים וּשְׁמֹנָ֑ה וּפָקִ֣יד עֲלֵיהֶ֔ם זַבְדִּיאֵ֖ל בֶּן ־ הַגְּדוֹלִֽים ׃ ס Copy 15 וּמִֽן ־ הַלְוִיִּ֑ם שְׁמַעְיָ֧ה בֶן ־ חַשּׁ֛וּב בֶּן ־ עַזְרִיקָ֥ם בֶּן ־ חֲשַׁבְיָ֖ה בֶּן ־ בּוּנִּֽי ׃ Copy 16 וְשַׁבְּתַ֨י וְיוֹזָבָ֜ד עַל ־ הַמְּלָאכָ֤ה הַחִֽיצֹנָה֙ לְבֵ֣ית הָאֱלֹהִ֔ים מֵרָאשֵׁ֖י הַלְוִיִּֽם ׃ Copy 17 וּמַתַּנְיָ֣ה בֶן ־ מִ֠יכָה בֶּן ־ זַבְדִּ֨י בֶן ־ אָסָ֜ף רֹ֗אשׁ הַתְּחִלָּה֙ יְהוֹדֶ֣ה לַתְּפִלָּ֔ה וּבַקְבֻּקְיָ֖ה מִשְׁנֶ֣ה מֵאֶחָ֑יו וְעַבְדָּא֙ בֶּן ־ שַׁמּ֔וּעַ בֶּן ־ גָּלָ֖ל בֶּן ־ ידיתון ׃ 1 Written form / alternate reading: ידיתון / Reading: יְדוּתֽוּן Copy 18 כָּל ־ הַלְוִיִּם֙ בְּעִ֣יר הַקֹּ֔דֶשׁ מָאתַ֖יִם שְׁמֹנִ֥ים וְאַרְבָּעָֽה ׃ פ Copy 19 וְהַשּֽׁוֹעֲרִים֙ עַקּ֣וּב טַלְמ֔וֹן וַאֲחֵיהֶ֖ם הַשֹּׁמְרִ֣ים בַּשְּׁעָרִ֑ים מֵאָ֖ה שִׁבְעִ֥ים וּשְׁנָֽיִם ׃ Copy 20 וּשְׁאָ֨ר יִשְׂרָאֵ֜ל הַכֹּהֲנִ֤ים הַלְוִיִּם֙ בְּכָל ־ עָרֵ֣י יְהוּדָ֔ה אִ֖ישׁ בְּנַחֲלָתֽוֹ ׃ Copy 21 וְהַנְּתִינִ֖ים יֹשְׁבִ֣ים בָּעֹ֑פֶל וְצִיחָ֥א וְגִשְׁפָּ֖א עַל ־ הַנְּתִינִֽים ׃ פ Copy 22 וּפְקִ֤יד הַלְוִיִּם֙ בִּיר֣וּשָׁלִַ֔ם עֻזִּ֤י בֶן ־ בָּנִי֙ בֶּן ־ חֲשַׁבְיָ֔ה בֶּן ־ מַתַּנְיָ֖ה בֶּן ־ מִיכָ֑א מִבְּנֵ֤י אָסָף֙ הַמְשֹׁ֣רְרִ֔ים לְנֶ֖גֶד מְלֶ֥אכֶת בֵּית ־ הָאֱלֹהִֽים ׃ Copy 23 כִּֽי ־ מִצְוַ֥ת הַמֶּ֖לֶךְ עֲלֵיהֶ֑ם וַאֲמָנָ֥ה עַל ־ הַמְשֹׁרְרִ֖ים דְּבַר ־ י֥וֹם בְּיוֹמֽוֹ ׃ Copy 24 וּפְתַֽחְיָ֨ה בֶּן ־ מְשֵֽׁיזַבְאֵ֜ל מִבְּנֵי ־ זֶ֤רַח בֶּן ־ יְהוּדָה֙ לְיַ֣ד הַמֶּ֔לֶךְ לְכָל ־ דָּבָ֖ר לָעָֽם ׃ Copy 25 וְאֶל ־ הַחֲצֵרִ֖ים בִּשְׂדֹתָ֑ם מִבְּנֵ֣י יְהוּדָ֗ה יָֽשְׁב֞וּ בְּקִרְיַ֤ת הָֽאַרְבַּע֙ וּבְנֹתֶ֔יהָ וּבְדִיבֹן֙ וּבְנֹתֶ֔יהָ וּבִֽיקַּבְצְאֵ֖ל וַחֲצֵרֶֽיהָ ׃ Copy 26 וּבְיֵשׁ֥וּעַ וּבְמוֹלָדָ֖ה וּבְבֵ֥ית פָּֽלֶט ׃ Copy 27 וּבַחֲצַ֥ר שׁוּעָ֛ל וּבִבְאֵ֥ר שֶׁ֖בַע וּבְנֹתֶֽיהָ ׃ Copy 28 וּבְצִֽקְלַ֥ג וּבִמְכֹנָ֖ה וּבִבְנֹתֶֽיהָ ׃ Copy 29 וּבְעֵ֥ין רִמּ֛וֹן וּבְצָרְעָ֖ה וּבְיַרְמֽוּת ׃ Copy 30 זָנֹ֤חַ עֲדֻלָּם֙ וְחַצְרֵיהֶ֔ם לָכִישׁ֙ וּשְׂדֹתֶ֔יהָ עֲזֵקָ֖ה וּבְנֹתֶ֑יהָ וַיַּחֲנ֥וּ מִבְּאֵֽר ־ שֶׁ֖בַע עַד ־ גֵּֽיא ־ הִנֹּֽם ׃ Copy 31 וּבְנֵ֥י בִנְיָמִ֖ן מִגָּ֑בַע מִכְמָ֣שׂ וְעַיָּ֔ה וּבֵֽית ־ אֵ֖ל וּבְנֹתֶֽיהָ ׃ Copy 32 עֲנָת֥וֹת נֹ֖ב עֲנָֽנְיָֽה ׃ Copy 33 חָצ֥וֹר ׀ רָמָ֖ה גִּתָּֽיִם ׃ Copy 34 חָדִ֥יד צְבֹעִ֖ים נְבַלָּֽט ׃ Copy 35 לֹ֥ד וְאוֹנ֖וֹ גֵּ֥י הַחֲרָשִֽׁים ׃ Copy 36 וּמִן ־ הַלְוִיִּ֔ם מַחְלְק֥וֹת יְהוּדָ֖ה לְבִנְיָמִֽין ׃ פ Copy
