Skip to main content
Bible Study Resources › Translations › 1 Chronicles 5 Text size 19px Width Narrow Wide Theme Light Sepia Dark Save settings Highlight selection Add note Annotate selection
Save reading position
Bible Reader
1 Chronicles 5 Open Scriptures Hebrew Bible
Work Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalms Proverbs Ecclesiastes Song Of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
Close Section Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29
1 Chronicles 5 1 וּבְנֵ֨י רְאוּבֵ֥ן בְּכֽוֹר ־ יִשְׂרָאֵל֮ כִּ֣י ה֣וּא הַבְּכוֹר֒ וּֽבְחַלְּלוֹ֙ יְצוּעֵ֣י אָבִ֔יו נִתְּנָה֙ בְּכֹ֣רָת֔וֹ לִבְנֵ֥י יוֹסֵ֖ף בֶּן ־ יִשְׂרָאֵ֑ל וְלֹ֥א לְהִתְיַחֵ֖שׂ לַבְּכֹרָֽה ׃ Copy 2 כִּ֤י יְהוּדָה֙ גָּבַ֣ר בְּאֶחָ֔יו וּלְנָגִ֖יד מִמֶּ֑נּוּ וְהַבְּכֹרָ֖ה לְיוֹסֵֽף ׃ ס Copy 3 בְּנֵ֥י רְאוּבֵ֖ן בְּכ֣וֹר יִשְׂרָאֵ֑ל חֲנ֥וֹךְ וּפַלּ֖וּא חֶצְר֥וֹן וְכַרְמִֽי ׃ Copy 4 בְּנֵ֖י יוֹאֵ֑ל שְׁמַֽעְיָ֥ה בְנ֛וֹ גּ֥וֹג בְּנ֖וֹ שִׁמְעִ֥י בְנֽוֹ ׃ Copy 5 מִיכָ֥ה בְנ֛וֹ רְאָיָ֥ה בְנ֖וֹ בַּ֥עַל בְּנֽוֹ ׃ Copy 6 בְּאֵרָ֣ה בְנ֔וֹ אֲשֶׁ֣ר הֶגְלָ֔ה תִּלְּגַ֥ת פִּלְנְאֶ֖סֶר מֶ֣לֶךְ אַשֻּׁ֑ר ה֥וּא נָשִׂ֖יא לָרֽאוּבֵנִֽי ׃ Copy 7 וְאֶחָיו֙ לְמִשְׁפְּחֹתָ֔יו בְּהִתְיַחֵ֖שׂ לְתֹלְדוֹתָ֑ם הָרֹ֥אשׁ יְעִיאֵ֖ל וּזְכַרְיָֽהוּ ׃ Copy 8 וּבֶ֨לַע֙ בֶּן ־ עָזָ֔ז בֶּן ־ שֶׁ֖מַע בֶּן ־ יוֹאֵ֑ל ה֚וּא יוֹשֵׁ֣ב בַּעֲרֹעֵ֔ר וְעַד ־ נְב֖וֹ וּבַ֥עַל מְעֽוֹן ׃ Copy 9 וְלַמִּזְרָ֗ח יָשַׁב֙ עַד ־ לְב֣וֹא מִדְבָּ֔רָה לְמִן ־ הַנָּהָ֖ר פְּרָ֑ת כִּ֧י מִקְנֵיהֶ֛ם רָב֖וּ בְּאֶ֥רֶץ גִּלְעָֽד ׃ 1 WLC has this word divided as / Reading: לְב֣וֹא. Copy 10 וּבִימֵ֣י שָׁא֗וּל עָשׂ֤וּ מִלְחָמָה֙ עִם ־ הַֽהַגְרִאִ֔ים וַֽיִּפְּל֖וּ בְּיָדָ֑ם וַיֵּשְׁבוּ֙ בְּאָ֣הֳלֵיהֶ֔ם עַֽל ־ כָּל ־ פְּנֵ֖י מִזְרָ֥ח לַגִּלְעָֽד ׃ פ Copy 11 וּבְנֵי ־ גָ֣ד לְנֶגְדָּ֗ם יָֽשְׁב֛וּ בְּאֶ֥רֶץ הַבָּשָׁ֖ן עַד ־ סַלְכָֽה ׃ Copy 12 יוֹאֵ֣ל הָרֹ֔אשׁ וְשָׁפָ֖ם הַמִּשְׁנֶ֑ה וְיַעְנַ֥י וְשָׁפָ֖ט בַּבָּשָֽׁן ׃ Copy 13 וַאֲחֵיהֶ֞ם לְבֵ֣ית אֲבוֹתֵיהֶ֗ם מִֽיכָאֵ֡ל וּמְשֻׁלָּ֡ם וְ֠שֶׁבַע וְיוֹרַ֧י וְיַעְכָּ֛ן וְזִ֥יעַ וָעֵ֖בֶר שִׁבְעָֽה ׃ ס Copy 14 אֵ֣לֶּה ׀ בְּנֵ֣י אֲבִיחַ֗יִל בֶּן ־ חוּרִ֡י בֶּן ־ יָ֠רוֹחַ בֶּן ־ גִּלְעָ֧ד בֶּן ־ מִיכָאֵ֛ל בֶּן ־ יְשִׁישַׁ֥י בֶּן ־ יַחְדּ֖וֹ בֶּן ־ בּֽוּז ׃ Copy 15 אֲחִי֙ בֶּן ־ עַבְדִּיאֵ֣ל בֶּן ־ גּוּנִ֔י רֹ֖אשׁ לְבֵ֥ית אֲבוֹתָֽם ׃ Copy 16 וַיֵּֽשְׁב֛וּ בַּגִּלְעָ֥ד בַּבָּשָׁ֖ן וּבִבְנֹתֶ֑יהָ וּבְכָֽל ־ מִגְרְשֵׁ֥י שָׁר֖וֹן עַל ־ תּוֹצְאוֹתָֽם ׃ Copy 17 כֻּלָּם֙ הִתְיַחְשׂ֔וּ בִּימֵ֖י יוֹתָ֣ם מֶֽלֶךְ ־ יְהוּדָ֑ה וּבִימֵ֖י יָרָבְעָ֥ם מֶֽלֶךְ ־ יִשְׂרָאֵֽל ׃ פ Copy 18 בְּנֵֽי ־ רְאוּבֵ֨ן וְגָדִ֜י וַחֲצִ֥י שֵֽׁבֶט ־ מְנַשֶּׁה֮ מִן ־ בְּנֵי ־ חַיִל֒ אֲ֠נָשִׁים נֹשְׂאֵ֨י מָגֵ֤ן וְחֶ֨רֶב֙ וְדֹ֣רְכֵי קֶ֔שֶׁת וּלְמוּדֵ֖י מִלְחָמָ֑ה אַרְבָּעִ֨ים וְאַרְבָּעָ֥ה אֶ֛לֶף וּשְׁבַע ־ מֵא֥וֹת וְשִׁשִּׁ֖ים יֹצְאֵ֥י צָבָֽא ׃ Copy 19 וַיַּעֲשׂ֥וּ מִלְחָמָ֖ה עִם ־ הַֽהַגְרִיאִ֑ים וִיט֥וּר וְנָפִ֖ישׁ וְנוֹדָֽב ׃ Copy 20 וַיֵּעָזְר֣וּ עֲלֵיהֶ֔ם וַיִּנָּתְנ֤וּ בְיָדָם֙ הַֽהַגְרִיאִ֔ים וְכֹ֖ל שֶׁ֣עִמָּהֶ֑ם כִּ֠י לֵאלֹהִ֤ים זָעֲקוּ֙ בַּמִּלְחָמָ֔ה וְנַעְתּ֥וֹר לָהֶ֖ם כִּי ־ בָ֥טְחוּ בֽוֹ ׃ Copy 21 וַיִּשְׁבּ֣וּ מִקְנֵיהֶ֗ם גְּֽמַלֵּיהֶ֞ם חֲמִשִּׁ֥ים אֶ֨לֶף֙ וְצֹ֗אן מָאתַ֤יִם וַחֲמִשִּׁים֙ אֶ֔לֶף וַחֲמוֹרִ֖ים אַלְפָּ֑יִם וְנֶ֥פֶשׁ אָדָ֖ם מֵ֥אָה אָֽלֶף ׃ Copy 22 כִּֽי ־ חֲלָלִ֤ים רַבִּים֙ נָפָ֔לוּ כִּ֥י מֵהָאֱלֹהִ֖ים הַמִּלְחָמָ֑ה וַיֵּשְׁב֥וּ תַחְתֵּיהֶ֖ם עַד ־ הַגֹּלָֽה ׃ פ Copy 23 וּבְנֵ֗י חֲצִי֙ שֵׁ֣בֶט מְנַשֶּׁ֔ה יָשְׁב֖וּ בָּאָ֑רֶץ מִבָּשָׁ֞ן עַד ־ בַּ֧עַל חֶרְמ֛וֹן וּשְׂנִ֥יר וְהַר ־ חֶרְמ֖וֹן הֵ֥מָּה רָבֽוּ ׃ Copy 24 וְאֵ֖לֶּה רָאשֵׁ֣י בֵית ־ אֲבוֹתָ֑ם וְעֵ֡פֶר וְיִשְׁעִ֡י וֶאֱלִיאֵ֡ל וְ֠עַזְרִיאֵל וְיִרְמְיָ֨ה וְהוֹדַוְיָ֜ה וְיַחְדִּיאֵ֗ל אֲנָשִׁים֙ גִּבּ֣וֹרֵי חַ֔יִל אַנְשֵׁ֣י שֵׁמ֔וֹת רָאשִׁ֖ים לְבֵ֥ית אֲבוֹתָֽם ׃ Copy 25 וַיִּֽמְעֲל֔וּ בֵּאלֹהֵ֖י אֲבוֹתֵיהֶ֑ם וַיִּזְנ֗וּ אַחֲרֵי֙ אֱלֹהֵ֣י עַמֵּי ־ הָאָ֔רֶץ אֲשֶׁר ־ הִשְׁמִ֥יד אֱלֹהִ֖ים מִפְּנֵיהֶֽם ׃ Copy 26 וַיָּעַר֩ אֱלֹהֵ֨י יִשְׂרָאֵ֜ל אֶת ־ ר֣וּחַ ׀ פּ֣וּל מֶֽלֶךְ ־ אַשּׁ֗וּר וְאֶת ־ ר֨וּחַ֙ תִּלְּגַ֤ת פִּלְנֶ֨סֶר֙ מֶ֣לֶךְ אַשּׁ֔וּר וַיַּגְלֵם֙ לָראוּבֵנִ֣י וְלַגָּדִ֔י וְלַחֲצִ֖י שֵׁ֣בֶט מְנַשֶּׁ֑ה וַ֠יְבִיאֵם לַחְלַ֨ח וְחָב֤וֹר וְהָרָא֙ וּנְהַ֣ר גּוֹזָ֔ן עַ֖ד הַיּ֥וֹם 27 בְּנֵ֖י לֵוִ֑י גֵּרְשׁ֕וֹן קְהָ֖ת וּמְרָרִֽי ׃ 1 KJV:1Chr.6.1 Copy 28 וּבְנֵ֖י קְהָ֑ת עַמְרָ֣ם יִצְהָ֔ר וְחֶבְר֖וֹן וְעֻזִּיאֵֽל ׃ ס 1 KJV:1Chr.6.2 Copy 29 וּבְנֵ֣י עַמְרָ֔ם אַהֲרֹ֥ן וּמֹשֶׁ֖ה וּמִרְיָ֑ם ס וּבְנֵ֣י אַהֲרֹ֔ן נָדָב֙ וַאֲבִיה֔וּא אֶלְעָזָ֖ר וְאִיתָמָֽר ׃ ס 1 KJV:1Chr.6.3 Copy 30 אֶלְעָזָר֙ הוֹלִ֣יד אֶת ־ פִּֽינְחָ֔ס פִּֽינְחָ֖ס הֹלִ֥יד אֶת ־ אֲבִישֽׁוּעַ ׃ 1 KJV:1Chr.6.4 Copy 31 וַאֲבִישׁ֨וּעַ֙ הוֹלִ֣יד אֶת ־ בֻּקִּ֔י וּבֻקִּ֖י הוֹלִ֥יד אֶת ־ עֻזִּֽי ׃ 1 KJV:1Chr.6.5 Copy 32 וְעֻזִּי֙ הוֹלִ֣יד אֶת ־ זְרַֽחְיָ֔ה וּֽזְרַֽחְיָ֖ה הוֹלִ֥יד אֶת ־ מְרָיֽוֹת ׃ 1 KJV:1Chr.6.6 Copy 33 מְרָיוֹת֙ הוֹלִ֣יד אֶת ־ אֲמַרְיָ֔ה וַאֲמַרְיָ֖ה הוֹלִ֥יד אֶת ־ אֲחִיטֽוּב ׃ 1 KJV:1Chr.6.7 Copy 34 וַאֲחִיטוּב֙ הוֹלִ֣יד אֶת ־ צָד֔וֹק וְצָד֖וֹק הוֹלִ֥יד אֶת ־ אֲחִימָֽעַץ ׃ 1 KJV:1Chr.6.8 Copy 35 וַאֲחִימַ֨עַץ֙ הוֹלִ֣יד אֶת ־ עֲזַרְיָ֔ה וַעֲזַרְיָ֖ה הוֹלִ֥יד אֶת ־ יוֹחָנָֽן ׃ 1 KJV:1Chr.6.9 Copy 36 וְיוֹחָנָ֖ן הוֹלִ֣יד אֶת ־ עֲזַרְיָ֑ה ה֚וּא אֲשֶׁ֣ר כִּהֵ֔ן בַּבַּ֕יִת אֲשֶׁר ־ בָּנָ֥ה שְׁלֹמֹ֖ה בִּירוּשָׁלִָֽם ׃ 1 KJV:1Chr.6.10 Copy 37 וַיּ֥וֹלֶד עֲזַרְיָ֖ה אֶת ־ אֲמַרְיָ֑ה וַאֲמַרְיָ֖ה הוֹלִ֥יד אֶת ־ אֲחִיטֽוּב ׃ 1 KJV:1Chr.6.11 Copy 38 וַאֲחִיטוּב֙ הוֹלִ֣יד אֶת ־ צָד֔וֹק וְצָד֖וֹק הוֹלִ֥יד אֶת ־ שַׁלּֽוּם ׃ 1 KJV:1Chr.6.12 Copy 39 וְשַׁלּוּם֙ הוֹלִ֣יד אֶת ־ חִלְקִיָּ֔ה וְחִלְקִיָּ֖ה הוֹלִ֥יד אֶת ־ עֲזַרְיָֽה ׃ 1 KJV:1Chr.6.13 Copy 40 וַעֲזַרְיָה֙ הוֹלִ֣יד אֶת ־ שְׂרָיָ֔ה וּשְׂרָיָ֖ה הוֹלִ֥יד אֶת ־ יְהוֹצָדָֽק ׃ 1 KJV:1Chr.6.14 Copy 41 וִיהוֹצָדָ֣ק הָלַ֔ךְ בְּהַגְל֣וֹת יְהוָ֔ה אֶת ־ יְהוּדָ֖ה וִירוּשָׁלִָ֑ם בְּיַ֖ד נְבֻכַדְנֶאצַּֽר ׃ ס 1 KJV:1Chr.6.15 Copy
הַזֶּֽה
׃
פ
Copy
