Skip to main content
Bible Study Resources › Translations › Exodus 10 Text size 19px Width Narrow Wide Theme Light Sepia Dark Save settings Highlight selection Add note Annotate selection
Save reading position
Bible Reader
Exodus 10 Open Scriptures Hebrew Bible
Work Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalms Proverbs Ecclesiastes Song Of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
Close Section Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40
Exodus 10 1 וַיֹּ֤אמֶר יְהוָה֙ אֶל ־ מֹשֶׁ֔ה בֹּ֖א אֶל ־ פַּרְעֹ֑ה כִּֽי ־ אֲנִ֞י הִכְבַּ֤דְתִּי אֶת ־ לִבּוֹ֙ וְאֶת ־ לֵ֣ב עֲבָדָ֔יו לְמַ֗עַן שִׁתִ֛י אֹתֹתַ֥י אֵ֖לֶּה בְּקִרְבּֽוֹ ׃ 1 We read one or more accents in L differently than BHS. Often this notation indicates a typographical error in BHS. Copy 2 וּלְמַ֡עַן תְּסַפֵּר֩ בְּאָזְנֵ֨י בִנְךָ֜ וּבֶן ־ בִּנְךָ֗ אֵ֣ת אֲשֶׁ֤ר הִתְעַלַּ֨לְתִּי֙ בְּמִצְרַ֔יִם וְאֶת ־ אֹתֹתַ֖י אֲשֶׁר ־ שַׂ֣מְתִּי בָ֑ם וִֽידַעְתֶּ֖ם כִּי ־ אֲנִ֥י יְהוָֽה ׃ Copy 3 וַיָּבֹ֨א מֹשֶׁ֣ה וְאַהֲרֹן֮ אֶל ־ פַּרְעֹה֒ וַיֹּאמְר֣וּ אֵלָ֗יו כֹּֽה ־ אָמַ֤ר יְהוָה֙ אֱלֹהֵ֣י הָֽעִבְרִ֔ים עַד ־ מָתַ֣י מֵאַ֔נְתָּ לֵעָנֹ֖ת מִפָּנָ֑י שַׁלַּ֥ח עַמִּ֖י וְיַֽעַבְדֻֽנִי ׃ Copy 4 כִּ֛י אִם ־ מָאֵ֥ן אַתָּ֖ה לְשַׁלֵּ֣חַ אֶת ־ עַמִּ֑י הִנְנִ֨י מֵבִ֥יא מָחָ֛ר אַרְבֶּ֖ה בִּגְבֻלֶֽךָ ׃ Copy 5 וְכִסָּה֙ אֶת ־ עֵ֣ין הָאָ֔רֶץ וְלֹ֥א יוּכַ֖ל לִרְאֹ֣ת אֶת ־ הָאָ֑רֶץ וְאָכַ֣ל ׀ אֶת ־ יֶ֣תֶר הַפְּלֵטָ֗ה הַנִּשְׁאֶ֤רֶת לָכֶם֙ מִן ־ הַבָּרָ֔ד וְאָכַל֙ אֶת ־ כָּל ־ הָעֵ֔ץ הַצֹּמֵ֥חַ לָכֶ֖ם מִן ־ הַשָּׂדֶֽה ׃ Copy 6 וּמָלְא֨וּ בָתֶּ֜יךָ וּבָתֵּ֣י כָל ־ עֲבָדֶיךָ֮ וּבָתֵּ֣י כָל ־ מִצְרַיִם֒ אֲשֶׁ֨ר לֹֽא ־ רָא֤וּ אֲבֹתֶ֨יךָ֙ וַאֲב֣וֹת אֲבֹתֶ֔יךָ מִיּ֗וֹם הֱיוֹתָם֙ עַל ־ הָ֣אֲדָמָ֔ה עַ֖ד הַיּ֣וֹם הַזֶּ֑ה וַיִּ֥פֶן וַיֵּצֵ֖א מֵעִ֥ם פַּרְעֹֽה ׃ Copy 7 וַיֹּאמְרוּ֩ עַבְדֵ֨י פַרְעֹ֜ה אֵלָ֗יו עַד ־ מָתַי֙ יִהְיֶ֨ה זֶ֥ה לָ֨נוּ֙ לְמוֹקֵ֔שׁ שַׁלַּח֙ אֶת ־ הָ֣אֲנָשִׁ֔ים וְיַֽעַבְד֖וּ אֶת ־ יְהוָ֣ה אֱלֹהֵיהֶ֑ם הֲטֶ֣רֶם תֵּדַ֔ע כִּ֥י אָבְדָ֖ה מִצְרָֽיִם ׃ Copy 8 וַיּוּשַׁ֞ב אֶת ־ מֹשֶׁ֤ה וְאֶֽת ־ אַהֲרֹן֙ אֶל ־ פַּרְעֹ֔ה וַיֹּ֣אמֶר אֲלֵהֶ֔ם לְכ֥וּ עִבְד֖וּ אֶת ־ יְהוָ֣ה אֱלֹהֵיכֶ֑ם מִ֥י וָמִ֖י הַהֹלְכִֽים ׃ Copy 9 וַיֹּ֣אמֶר מֹשֶׁ֔ה בִּנְעָרֵ֥ינוּ וּבִזְקֵנֵ֖ינוּ נֵלֵ֑ךְ בְּבָנֵ֨ינוּ וּבִבְנוֹתֵ֜נוּ בְּצֹאנֵ֤נוּ וּבִבְקָרֵ֨נוּ֙ נֵלֵ֔ךְ כִּ֥י חַג ־ יְהוָ֖ה לָֽנוּ ׃ Copy 10 וַיֹּ֣אמֶר אֲלֵהֶ֗ם יְהִ֨י כֵ֤ן יְהוָה֙ עִמָּכֶ֔ם כַּאֲשֶׁ֛ר אֲשַׁלַּ֥ח אֶתְכֶ֖ם וְאֶֽת ־ טַפְּכֶ֑ם רְא֕וּ כִּ֥י רָעָ֖ה נֶ֥גֶד פְּנֵיכֶֽם ׃ Copy 11 לֹ֣א כֵ֗ן לְכֽוּ ־ נָ֤א הַגְּבָרִים֙ וְעִבְד֣וּ אֶת ־ יְהוָ֔ה כִּ֥י אֹתָ֖הּ אַתֶּ֣ם מְבַקְשִׁ֑ים וַיְגָ֣רֶשׁ אֹתָ֔ם מֵאֵ֖ת פְּנֵ֥י פַרְעֹֽה ׃ פ Copy 12 וַיֹּ֨אמֶר יְהוָ֜ה אֶל ־ מֹשֶׁ֗ה נְטֵ֨ה יָדְךָ֜ עַל ־ אֶ֤רֶץ מִצְרַ֨יִם֙ בָּֽאַרְבֶּ֔ה וְיַ֖עַל עַל ־ אֶ֣רֶץ מִצְרָ֑יִם וְיֹאכַל֙ אֶת ־ כָּל ־ עֵ֣שֶׂב הָאָ֔רֶץ אֵ֛ת כָּל ־ אֲשֶׁ֥ר הִשְׁאִ֖יר הַבָּרָֽד ׃ Copy 13 וַיֵּ֨ט מֹשֶׁ֣ה אֶת ־ מַטֵּהוּ֮ עַל ־ אֶ֣רֶץ מִצְרַיִם֒ וַֽיהוָ֗ה נִהַ֤ג ר֥וּחַ קָדִים֙ בָּאָ֔רֶץ כָּל ־ הַיּ֥וֹם הַה֖וּא וְכָל ־ הַלָּ֑יְלָה הַבֹּ֣קֶר הָיָ֔ה וְר֨וּחַ֙ הַקָּדִ֔ים נָשָׂ֖א אֶת ־ הָאַרְבֶּֽה ׃ Copy 14 וַיַּ֣עַל הָֽאַרְבֶּ֗ה עַ֚ל כָּל ־ אֶ֣רֶץ מִצְרַ֔יִם וַיָּ֕נַח בְּכֹ֖ל גְּב֣וּל מִצְרָ֑יִם כָּבֵ֣ד מְאֹ֔ד לְ֠פָנָיו לֹא ־ הָ֨יָה כֵ֤ן אַרְבֶּה֙ כָּמֹ֔הוּ וְאַחֲרָ֖יו לֹ֥א יִֽהְיֶה ־ כֵּֽן ׃ Copy 15 וַיְכַ֞ס אֶת ־ עֵ֣ין כָּל ־ הָאָרֶץ֮ וַתֶּחְשַׁ֣ךְ הָאָרֶץ֒ וַיֹּ֜אכַל אֶת ־ כָּל ־ עֵ֣שֶׂב הָאָ֗רֶץ וְאֵת֙ כָּל ־ פְּרִ֣י הָעֵ֔ץ אֲשֶׁ֥ר הוֹתִ֖יר הַבָּרָ֑ד וְלֹא ־ נוֹתַ֨ר כָּל ־ יֶ֧רֶק בָּעֵ֛ץ וּבְעֵ֥שֶׂב הַשָּׂדֶ֖ה בְּכָל ־ אֶ֥רֶץ מִצְרָֽיִם ׃ 16 וַיְמַהֵ֣ר פַּרְעֹ֔ה לִקְרֹ֖א לְמֹשֶׁ֣ה וּֽלְאַהֲרֹ֑ן וַיֹּ֗אמֶר חָטָ֛אתִי לַיהוָ֥ה אֱלֹֽהֵיכֶ֖ם וְלָכֶֽם ׃ Copy 17 וְעַתָּ֗ה שָׂ֣א נָ֤א חַטָּאתִי֙ אַ֣ךְ הַפַּ֔עַם וְהַעְתִּ֖ירוּ לַיהוָ֣ה אֱלֹהֵיכֶ֑ם וְיָסֵר֙ מֵֽעָלַ֔י רַ֖ק אֶת ־ הַמָּ֥וֶת הַזֶּֽה ׃ Copy 18 וַיֵּצֵ֖א מֵעִ֣ם פַּרְעֹ֑ה וַיֶּעְתַּ֖ר אֶל ־ יְהוָֽה ׃ Copy 19 וַיַּהֲפֹ֨ךְ יְהוָ֤ה רֽוּחַ ־ יָם֙ חָזָ֣ק מְאֹ֔ד וַיִּשָּׂא֙ אֶת ־ הָ֣אַרְבֶּ֔ה וַיִּתְקָעֵ֖הוּ יָ֣מָּה סּ֑וּף לֹ֤א נִשְׁאַר֙ אַרְבֶּ֣ה אֶחָ֔ד בְּכֹ֖ל גְּב֥וּל מִצְרָֽיִם ׃ Copy 20 וַיְחַזֵּ֥ק יְהוָ֖ה אֶת ־ לֵ֣ב פַּרְעֹ֑ה וְלֹ֥א שִׁלַּ֖ח אֶת ־ בְּנֵ֥י יִשְׂרָאֵֽל ׃ פ Copy 21 וַיֹּ֨אמֶר יְהוָ֜ה אֶל ־ מֹשֶׁ֗ה נְטֵ֤ה יָֽדְךָ֙ עַל ־ הַשָּׁמַ֔יִם וִ֥יהִי חֹ֖שֶׁךְ עַל ־ אֶ֣רֶץ מִצְרָ֑יִם וְיָמֵ֖שׁ חֹֽשֶׁךְ ׃ Copy 22 וַיֵּ֥ט מֹשֶׁ֛ה אֶת ־ יָד֖וֹ עַל ־ הַשָּׁמָ֑יִם וַיְהִ֧י חֹֽשֶׁךְ ־ אֲפֵלָ֛ה בְּכָל ־ אֶ֥רֶץ מִצְרַ֖יִם שְׁלֹ֥שֶׁת יָמִֽים ׃ Copy 23 לֹֽא ־ רָא֞וּ אִ֣ישׁ אֶת ־ אָחִ֗יו וְלֹא ־ קָ֛מוּ אִ֥ישׁ מִתַּחְתָּ֖יו שְׁלֹ֣שֶׁת יָמִ֑ים וּֽלְכָל ־ בְּנֵ֧י יִשְׂרָאֵ֛ל הָ֥יָה א֖וֹר בְּמוֹשְׁבֹתָֽם ׃ Copy 24 וַיִּקְרָ֨א פַרְעֹ֜ה אֶל ־ מֹשֶׁ֗ה וַיֹּ֨אמֶר֙ לְכוּ֙ עִבְד֣וּ אֶת ־ יְהוָ֔ה רַ֛ק צֹאנְכֶ֥ם וּבְקַרְכֶ֖ם יֻצָּ֑ג גַּֽם ־ טַפְּכֶ֖ם יֵלֵ֥ךְ עִמָּכֶֽם ׃ Copy 25 וַיֹּ֣אמֶר מֹשֶׁ֔ה גַּם ־ אַתָּ֛ה תִּתֵּ֥ן בְּיָדֵ֖נוּ זְבָחִ֣ים וְעֹל֑וֹת וְעָשִׂ֖ינוּ לַיהוָ֥ה אֱלֹהֵֽינוּ ׃ Copy 26 וְגַם ־ מִקְנֵ֜נוּ יֵלֵ֣ךְ עִמָּ֗נוּ לֹ֤א תִשָּׁאֵר֙ פַּרְסָ֔ה כִּ֚י מִמֶּ֣נּוּ נִקַּ֔ח לַעֲבֹ֖ד אֶת ־ יְהוָ֣ה אֱלֹהֵ֑ינוּ וַאֲנַ֣חְנוּ לֹֽא ־ נֵדַ֗ע מַֽה ־ נַּעֲבֹד֙ אֶת ־ יְהוָ֔ה עַד ־ בֹּאֵ֖נוּ שָֽׁמָּה ׃ Copy 27 וַיְחַזֵּ֥ק יְהוָ֖ה אֶת ־ לֵ֣ב פַּרְעֹ֑ה וְלֹ֥א אָבָ֖ה לְשַׁלְּחָֽם ׃ Copy 28 וַיֹּֽאמֶר ־ ל֥וֹ פַרְעֹ֖ה לֵ֣ךְ מֵעָלָ֑י הִשָּׁ֣מֶר לְךָ֗ אֶל ־ תֹּ֨סֶף֙ רְא֣וֹת פָּנַ֔י כִּ֗י בְּי֛וֹם רְאֹתְךָ֥ פָנַ֖י תָּמֽוּת ׃ Copy 29 וַיֹּ֥אמֶר מֹשֶׁ֖ה כֵּ֣ן דִּבַּ֑רְתָּ לֹא ־ אֹסִ֥ף ע֖וֹד רְא֥וֹת פָּנֶֽיךָ ׃ פ Copy
Copy
