Skip to main content
Bible Study Resources › Translations › Exodus 35 Text size 19px Width Narrow Wide Theme Light Sepia Dark Save settings Highlight selection Add note Annotate selection
Save reading position
Bible Reader
Exodus 35 Open Scriptures Hebrew Bible
Work Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalms Proverbs Ecclesiastes Song Of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
Close Section Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40
Exodus 35 1 וַיַּקְהֵ֣ל מֹשֶׁ֗ה אֶֽת ־ כָּל ־ עֲדַ֛ת בְּנֵ֥י יִשְׂרָאֵ֖ל וַיֹּ֣אמֶר אֲלֵהֶ֑ם אֵ֚לֶּה הַדְּבָרִ֔ים אֲשֶׁר ־ צִוָּ֥ה יְהוָ֖ה לַעֲשֹׂ֥ת אֹתָֽם ׃ Copy 2 שֵׁ֣שֶׁת יָמִים֮ תֵּעָשֶׂ֣ה מְלָאכָה֒ וּבַיּ֣וֹם הַשְּׁבִיעִ֗י יִהְיֶ֨ה לָכֶ֥ם קֹ֛דֶשׁ שַׁבַּ֥ת שַׁבָּת֖וֹן לַיהוָ֑ה כָּל ־ הָעֹשֶׂ֥ה ב֛וֹ מְלָאכָ֖ה יוּמָֽת ׃ Copy 3 לֹא ־ תְבַעֲר֣וּ אֵ֔שׁ בְּכֹ֖ל מֹשְׁבֹֽתֵיכֶ֑ם בְּי֖וֹם הַשַּׁבָּֽת ׃ פ Copy 4 וַיֹּ֣אמֶר מֹשֶׁ֔ה אֶל ־ כָּל ־ עֲדַ֥ת בְּנֵֽי ־ יִשְׂרָאֵ֖ל לֵאמֹ֑ר זֶ֣ה הַדָּבָ֔ר אֲשֶׁר ־ צִוָּ֥ה יְהוָ֖ה לֵאמֹֽר ׃ Copy 5 קְח֨וּ מֵֽאִתְּכֶ֤ם תְּרוּמָה֙ לַֽיהוָ֔ה כֹּ֚ל נְדִ֣יב לִבּ֔וֹ יְבִיאֶ֕הָ אֵ֖ת תְּרוּמַ֣ת יְהוָ֑ה זָהָ֥ב וָכֶ֖סֶף וּנְחֹֽשֶׁת ׃ Copy 6 וּתְכֵ֧לֶת וְאַרְגָּמָ֛ן וְתוֹלַ֥עַת שָׁנִ֖י וְשֵׁ֥שׁ וְעִזִּֽים ׃ Copy 7 וְעֹרֹ֨ת אֵילִ֧ם מְאָדָּמִ֛ים וְעֹרֹ֥ת תְּחָשִׁ֖ים וַעֲצֵ֥י שִׂטִּֽים ׃ 1 BHS has been faithful to the Leningrad Codex where there might be a question of the validity of the form and we keep the same form as BHS. Copy 8 וְשֶׁ֖מֶן לַמָּא֑וֹר וּבְשָׂמִים֙ לְשֶׁ֣מֶן הַמִּשְׁחָ֔ה וְלִקְטֹ֖רֶת הַסַּמִּֽים ׃ Copy 9 וְאַ֨בְנֵי ־ שֹׁ֔הַם וְאַבְנֵ֖י מִלֻּאִ֑ים לָאֵפ֖וֹד וְלַחֹֽשֶׁן ׃ Copy 10 וְכָל ־ חֲכַם ־ לֵ֖ב בָּכֶ֑ם יָבֹ֣אוּ וְיַעֲשׂ֔וּ אֵ֛ת כָּל ־ אֲשֶׁ֥ר צִוָּ֖ה יְהוָֽה ׃ Copy 11 אֶת ־ הַ֨מִּשְׁכָּ֔ן אֶֽת ־ אָהֳל֖וֹ וְאֶת ־ מִכְסֵ֑הוּ אֶת ־ קְרָסָיו֙ וְאֶת ־ קְרָשָׁ֔יו אֶת ־ בְּרִיחָ֕ו אֶת ־ עַמֻּדָ֖יו וְאֶת ־ אֲדָנָֽיו ׃ 1 We have abandoned or added a ketib / qere relative to BHS. In doing this we agree with L against BHS. Copy 12 אֶת ־ הָאָרֹ֥ן וְאֶת ־ בַּדָּ֖יו אֶת ־ הַכַּפֹּ֑רֶת וְאֵ֖ת פָּרֹ֥כֶת הַמָּסָֽךְ ׃ Copy 13 אֶת ־ הַשֻּׁלְחָ֥ן וְאֶת ־ בַּדָּ֖יו וְאֶת ־ כָּל ־ כֵּלָ֑יו וְאֵ֖ת לֶ֥חֶם הַפָּנִֽים ׃ Copy 14 וְאֶת ־ מְנֹרַ֧ת הַמָּא֛וֹר וְאֶת ־ כֵּלֶ֖יהָ וְאֶת ־ נֵרֹתֶ֑יהָ וְאֵ֖ת שֶׁ֥מֶן הַמָּאֽוֹר ׃ Copy 15 וְאֶת ־ מִזְבַּ֤ח הַקְּטֹ֨רֶת֙ וְאֶת ־ בַּדָּ֔יו וְאֵת֙ שֶׁ֣מֶן הַמִּשְׁחָ֔ה וְאֵ֖ת קְטֹ֣רֶת הַסַּמִּ֑ים וְאֶת ־ מָסַ֥ךְ הַפֶּ֖תַח לְפֶ֥תַח הַמִּשְׁכָּֽן ׃ Copy 16 אֵ֣ת ׀ מִזְבַּ֣ח הָעֹלָ֗ה וְאֶת ־ מִכְבַּ֤ר הַנְּחֹ֨שֶׁת֙ אֲשֶׁר ־ ל֔וֹ אֶת ־ בַּדָּ֖יו וְאֶת ־ כָּל ־ כֵּלָ֑יו אֶת ־ הַכִּיֹּ֖ר וְאֶת ־ כַּנּֽוֹ ׃ Copy 17 אֵ֚ת קַלְעֵ֣י הֶחָצֵ֔ר אֶת ־ עַמֻּדָ֖יו וְאֶת ־ אֲדָנֶ֑יהָ וְאֵ֕ת מָסַ֖ךְ שַׁ֥עַר הֶחָצֵֽר ׃ Copy 18 אֶת ־ יִתְדֹ֧ת הַמִּשְׁכָּ֛ן וְאֶת ־ יִתְדֹ֥ת הֶחָצֵ֖ר וְאֶת ־ מֵיתְרֵיהֶֽם ׃ Copy 19 אֶת ־ בִּגְדֵ֥י הַשְּׂרָ֖ד לְשָׁרֵ֣ת בַּקֹּ֑דֶשׁ אֶת ־ בִּגְדֵ֤י הַקֹּ֨דֶשׁ֙ לְאַהֲרֹ֣ן הַכֹּהֵ֔ן וְאֶת ־ בִּגְדֵ֥י בָנָ֖יו לְכַהֵֽן ׃ Copy 20 וַיֵּֽצְא֛וּ כָּל ־ עֲדַ֥ת בְּנֵֽי ־ יִשְׂרָאֵ֖ל מִלִּפְנֵ֥י מֹשֶֽׁה ׃ Copy 21 וַיָּבֹ֕אוּ כָּל ־ אִ֖ישׁ אֲשֶׁר ־ נְשָׂא֣וֹ לִבּ֑וֹ וְכֹ֡ל אֲשֶׁר֩ נָדְבָ֨ה רוּח֜וֹ אֹת֗וֹ הֵ֠בִיאוּ אֶת ־ תְּרוּמַ֨ת יְהוָ֜ה לִמְלֶ֨אכֶת אֹ֤הֶל מוֹעֵד֙ וּלְכָל ־ עֲבֹ֣דָת֔וֹ וּלְבִגְדֵ֖י הַקֹּֽדֶשׁ ׃ Copy 22 וַיָּבֹ֥אוּ הָאֲנָשִׁ֖ים עַל ־ הַנָּשִׁ֑ים כֹּ֣ל ׀ נְדִ֣יב לֵ֗ב הֵ֠בִיאוּ חָ֣ח וָנֶ֜זֶם וְטַבַּ֤עַת וְכוּמָז֙ כָּל ־ כְּלִ֣י זָהָ֔ב וְכָל ־ אִ֕ישׁ אֲשֶׁ֥ר הֵנִ֛יף תְּנוּפַ֥ת זָהָ֖ב לַיהוָֽה ׃ Copy 23 וְכָל ־ אִ֞ישׁ אֲשֶׁר ־ נִמְצָ֣א אִתּ֗וֹ תְּכֵ֧לֶת וְאַרְגָּמָ֛ן וְתוֹלַ֥עַת שָׁנִ֖י וְשֵׁ֣שׁ וְעִזִּ֑ים וְעֹרֹ֨ת אֵילִ֧ם מְאָדָּמִ֛ים וְעֹרֹ֥ת תְּחָשִׁ֖ים הֵבִֽיאוּ ׃ Copy 24 כָּל ־ מֵרִ֗ים תְּר֤וּמַת כֶּ֨סֶף֙ וּנְחֹ֔שֶׁת הֵבִ֕יאוּ אֵ֖ת תְּרוּמַ֣ת יְהוָ֑ה וְכֹ֡ל אֲשֶׁר֩ נִמְצָ֨א אִתּ֜וֹ עֲצֵ֥י שִׁטִּ֛ים לְכָל ־ מְלֶ֥אכֶת הָעֲבֹדָ֖ה הֵבִֽיאוּ ׃ Copy 25 וְכָל ־ אִשָּׁ֥ה חַכְמַת ־ לֵ֖ב בְּיָדֶ֣יהָ טָו֑וּ וַיָּבִ֣יאוּ מַטְוֶ֗ה אֶֽת ־ הַתְּכֵ֨לֶת֙ וְאֶת ־ הָֽאַרְגָּמָ֔ן אֶת ־ תּוֹלַ֥עַת הַשָּׁנִ֖י וְאֶת ־ הַשֵּֽׁשׁ ׃ Copy 26 וְכָל ־ הַ֨נָּשִׁ֔ים אֲשֶׁ֨ר נָשָׂ֥א לִבָּ֛ן אֹתָ֖נָה בְּחָכְמָ֑ה טָו֖וּ אֶת ־ הָעִזִּֽים ׃ Copy 27 וְהַנְּשִׂאִ֣ם הֵבִ֔יאוּ אֵ֚ת אַבְנֵ֣י הַשֹּׁ֔הַם וְאֵ֖ת אַבְנֵ֣י הַמִּלֻּאִ֑ים לָאֵפ֖וֹד וְלַחֹֽשֶׁן ׃ Copy 28 וְאֶת ־ הַבֹּ֖שֶׂם וְאֶת ־ הַשָּׁ֑מֶן לְמָא֕וֹר וּלְשֶׁ֨מֶן֙ הַמִּשְׁחָ֔ה וְלִקְטֹ֖רֶת הַסַּמִּֽים ׃ Copy 29 כָּל ־ אִ֣ישׁ וְאִשָּׁ֗ה אֲשֶׁ֨ר נָדַ֣ב לִבָּם֮ אֹתָם֒ לְהָבִיא֙ לְכָל ־ הַמְּלָאכָ֔ה אֲשֶׁ֨ר צִוָּ֧ה יְהוָ֛ה לַעֲשׂ֖וֹת בְּיַד ־ מֹשֶׁ֑ה הֵבִ֧יאוּ בְנֵי ־ יִשְׂרָאֵ֛ל נְדָבָ֖ה לַיהוָֽה ׃ פ Copy 30 וַיֹּ֤אמֶר מֹשֶׁה֙ אֶל ־ בְּנֵ֣י יִשְׂרָאֵ֔ל רְא֛וּ קָרָ֥א יְהוָ֖ה בְּשֵׁ֑ם בְּצַלְאֵ֛ל בֶּן ־ אוּרִ֥י בֶן ־ ח֖וּר לְמַטֵּ֥ה יְהוּדָֽה ׃ Copy 31 וַיְמַלֵּ֥א אֹת֖וֹ ר֣וּחַ אֱלֹהִ֑ים בְּחָכְמָ֛ה בִּתְבוּנָ֥ה וּבְדַ֖עַת וּבְכָל ־ מְלָאכָֽה ׃ Copy 32 וְלַחְשֹׁ֖ב מַֽחַשָׁבֹ֑ת לַעֲשֹׂ֛ת בַּזָּהָ֥ב וּבַכֶּ֖סֶף וּבַנְּחֹֽשֶׁת ׃ Copy 33 וּבַחֲרֹ֥שֶׁת אֶ֛בֶן לְמַלֹּ֖את וּבַחֲרֹ֣שֶׁת עֵ֑ץ לַעֲשׂ֖וֹת בְּכָל ־ מְלֶ֥אכֶת מַחֲשָֽׁבֶת ׃ Copy 34 וּלְהוֹרֹ֖ת נָתַ֣ן בְּלִבּ֑וֹ ה֕וּא וְאָֽהֳלִיאָ֥ב בֶּן ־ אֲחִיסָמָ֖ךְ לְמַטֵּה ־ דָֽן ׃ Copy 35 מִלֵּ֨א אֹתָ֜ם חָכְמַת ־ לֵ֗ב לַעֲשׂוֹת֮ כָּל ־ מְלֶ֣אכֶת חָרָ֣שׁ ׀ וְחֹשֵׁב֒ וְרֹקֵ֞ם בַּתְּכֵ֣לֶת וּבָֽאַרְגָּמָ֗ן בְּתוֹלַ֧עַת הַשָּׁנִ֛י וּבַשֵּׁ֖שׁ וְאֹרֵ֑ג עֹשֵׂי֙ כָּל ־ מְלָאכָ֔ה וְחֹשְׁבֵ֖י מַחֲשָׁבֹֽת ׃ Copy
