Skip to main content
Bible Study Resources › Translations › Genesis 33 Text size 19px Width Narrow Wide Theme Light Sepia Dark Save settings Highlight selection Add note Annotate selection
Save reading position
Bible Reader
Genesis 33 Open Scriptures Hebrew Bible
Work Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalms Proverbs Ecclesiastes Song Of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
Close Section Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50
Genesis 33 1 וַיִּשָּׂ֨א יַעֲקֹ֜ב עֵינָ֗יו וַיַּרְא֙ וְהִנֵּ֣ה עֵשָׂ֣ו בָּ֔א וְעִמּ֕וֹ אַרְבַּ֥ע מֵא֖וֹת אִ֑ישׁ וַיַּ֣חַץ אֶת ־ הַיְלָדִ֗ים עַל ־ לֵאָה֙ וְעַל ־ רָחֵ֔ל וְעַ֖ל שְׁתֵּ֥י הַשְּׁפָחֽוֹת ׃ Copy 2 וַיָּ֧שֶׂם אֶת ־ הַשְּׁפָח֛וֹת וְאֶת ־ יַלְדֵיהֶ֖ן רִֽאשֹׁנָ֑ה וְאֶת ־ לֵאָ֤ה וִֽילָדֶ֨יהָ֙ אַחֲרֹנִ֔ים וְאֶת ־ רָחֵ֥ל וְאֶת ־ יוֹסֵ֖ף אַחֲרֹנִֽים ׃ Copy 3 וְה֖וּא עָבַ֣ר לִפְנֵיהֶ֑ם וַיִּשְׁתַּ֤חוּ אַ֨רְצָה֙ שֶׁ֣בַע פְּעָמִ֔ים עַד ־ גִּשְׁתּ֖וֹ עַד ־ אָחִֽיו ׃ Copy 4 וַיָּ֨רָץ עֵשָׂ֤ו לִקְרָאתוֹ֙ וַֽיְחַבְּקֵ֔הוּ וַיִּפֹּ֥ל עַל ־ צַוָּארָ֖ו וַׄיִּׄשָּׁׄקֵ֑ׄהׄוּׄ וַיִּבְכּֽוּ ׃ 1 We have abandoned or added a ketib / qere relative to BHS. In doing this we agree with L against BHS. 2 Puncta extraordinaria -- a \u05c4 is used to mark such marks in the text when they are above the line and a \u05c5 when they are below the line. Copy 5 וַיִּשָּׂ֣א אֶת ־ עֵינָ֗יו וַיַּ֤רְא אֶת ־ הַנָּשִׁים֙ וְאֶת ־ הַיְלָדִ֔ים וַיֹּ֖אמֶר מִי ־ אֵ֣לֶּה לָּ֑ךְ וַיֹּאמַ֕ר הַיְלָדִ֕ים אֲשֶׁר ־ חָנַ֥ן אֱלֹהִ֖ים אֶת ־ עַבְדֶּֽךָ ׃ Copy 6 וַתִּגַּ֧שְׁןָ הַשְּׁפָח֛וֹת הֵ֥נָּה וְיַלְדֵיהֶ֖ן וַתִּֽשְׁתַּחֲוֶֽיןָ ׃ Copy 7 וַתִּגַּ֧שׁ גַּם ־ לֵאָ֛ה וִילָדֶ֖יהָ וַיִּֽשְׁתַּחֲו֑וּ וְאַחַ֗ר נִגַּ֥שׁ יוֹסֵ֛ף וְרָחֵ֖ל וַיִּֽשְׁתַּחֲוֽוּ ׃ Copy 8 וַיֹּ֕אמֶר מִ֥י לְךָ֛ כָּל ־ הַמַּחֲנֶ֥ה הַזֶּ֖ה אֲשֶׁ֣ר פָּגָ֑שְׁתִּי וַיֹּ֕אמֶר לִמְצֹא ־ חֵ֖ן בְּעֵינֵ֥י אֲדֹנִֽי ׃ Copy 9 וַיֹּ֥אמֶר עֵשָׂ֖ו יֶשׁ ־ לִ֣י רָ֑ב אָחִ֕י יְהִ֥י לְךָ֖ אֲשֶׁר ־ לָֽךְ ׃ Copy 10 וַיֹּ֣אמֶר יַעֲקֹ֗ב אַל ־ נָא֙ אִם ־ נָ֨א מָצָ֤אתִי חֵן֙ בְּעֵינֶ֔יךָ וְלָקַחְתָּ֥ מִנְחָתִ֖י מִיָּדִ֑י כִּ֣י עַל ־ כֵּ֞ן רָאִ֣יתִי פָנֶ֗יךָ כִּרְאֹ֛ת פְּנֵ֥י אֱלֹהִ֖ים וַתִּרְצֵֽנִי ׃ Copy 11 קַח ־ נָ֤א אֶת ־ בִּרְכָתִי֙ אֲשֶׁ֣ר הֻבָ֣את לָ֔ךְ כִּֽי ־ חַנַּ֥נִי אֱלֹהִ֖ים וְכִ֣י יֶשׁ ־ לִי ־ כֹ֑ל וַיִּפְצַר ־ בּ֖וֹ וַיִּקָּֽח ׃ Copy 12 וַיֹּ֖אמֶר נִסְעָ֣ה וְנֵלֵ֑כָה וְאֵלְכָ֖ה לְנֶגְדֶּֽךָ ׃ Copy 13 וַיֹּ֣אמֶר אֵלָ֗יו אֲדֹנִ֤י יֹדֵ֨עַ֙ כִּֽי ־ הַיְלָדִ֣ים רַכִּ֔ים וְהַצֹּ֥אן וְהַבָּקָ֖ר עָל֣וֹת עָלָ֑י וּדְפָקוּם֙ י֣וֹם אֶחָ֔ד וָמֵ֖תוּ כָּל ־ הַצֹּֽאן ׃ Copy 14 יַעֲבָר ־ נָ֥א אֲדֹנִ֖י לִפְנֵ֣י עַבְדּ֑וֹ וַאֲנִ֞י אֶֽתְנָהֲלָ֣ה לְאִטִּ֗י לְרֶ֨גֶל הַמְּלָאכָ֤ה אֲשֶׁר ־ לְפָנַי֙ וּלְרֶ֣גֶל הַיְלָדִ֔ים עַ֛ד אֲשֶׁר ־ אָבֹ֥א אֶל ־ אֲדֹנִ֖י שֵׂעִֽירָה ׃ 1 We read one or more accents in L differently than BHS. Often this notation indicates a typographical error in BHS. Copy 15 וַיֹּ֣אמֶר עֵשָׂ֔ו אַצִּֽיגָה ־ נָּ֣א עִמְּךָ֔ מִן ־ הָעָ֖ם אֲשֶׁ֣ר אִתִּ֑י וַיֹּ֨אמֶר֙ לָ֣מָּה זֶּ֔ה אֶמְצָא ־ חֵ֖ן בְּעֵינֵ֥י אֲדֹנִֽי ׃ Copy 16 וַיָּשָׁב֩ בַּיּ֨וֹם הַה֥וּא עֵשָׂ֛ו לְדַרְכּ֖וֹ שֵׂעִֽירָה ׃ Copy 17 וְיַעֲקֹב֙ נָסַ֣ע סֻכֹּ֔תָה וַיִּ֥בֶן ל֖וֹ בָּ֑יִת וּלְמִקְנֵ֨הוּ֙ עָשָׂ֣ה סֻכֹּ֔ת עַל ־ כֵּ֛ן קָרָ֥א שֵׁם ־ הַמָּק֖וֹם סֻכּֽוֹת ׃ ס Copy 18 וַיָּבֹא֩ יַעֲקֹ֨ב שָׁלֵ֜ם עִ֣יר שְׁכֶ֗ם אֲשֶׁר֙ בְּאֶ֣רֶץ כְּנַ֔עַן בְּבֹא֖וֹ מִפַּדַּ֣ן אֲרָ֑ם וַיִּ֖חַן אֶת ־ פְּנֵ֥י הָעִֽיר ׃ Copy 19 וַיִּ֜קֶן אֶת ־ חֶלְקַ֣ת הַשָּׂדֶ֗ה אֲשֶׁ֤ר נָֽטָה ־ שָׁם֙ אָהֳל֔וֹ מִיַּ֥ד בְּנֵֽי ־ חֲמ֖וֹר אֲבִ֣י שְׁכֶ֑ם בְּמֵאָ֖ה קְשִׂיטָֽה ׃ Copy 20 וַיַּצֶּב ־ שָׁ֖ם מִזְבֵּ֑חַ וַיִּ֨קְרָא ־ ל֔וֹ אֵ֖ל אֱלֹהֵ֥י יִשְׂרָאֵֽל ׃ ס Copy
