Skip to main content
Bible Study Resources › Translations › Leviticus 4 Text size 19px Width Narrow Wide Theme Light Sepia Dark Save settings Highlight selection Add note Annotate selection
Save reading position
Bible Reader
Leviticus 4 Open Scriptures Hebrew Bible
Work Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalms Proverbs Ecclesiastes Song Of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
Close Section Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27
Leviticus 4 1 וַיְדַבֵּ֥ר יְהוָ֖ה אֶל ־ מֹשֶׁ֥ה לֵּאמֹֽר ׃ Copy 2 דַּבֵּ֞ר אֶל ־ בְּנֵ֣י יִשְׂרָאֵ֘ל לֵאמֹר֒ נֶ֗פֶשׁ כִּֽי ־ תֶחֱטָ֤א בִשְׁגָגָה֙ מִכֹּל֙ מִצְוֺ֣ת יְהוָ֔ה אֲשֶׁ֖ר לֹ֣א תֵעָשֶׂ֑ינָה וְעָשָׂ֕ה מֵאַחַ֖ת מֵהֵֽנָּה ׃ 1 BHS has been faithful to the Leningrad Codex where there might be a question of the validity of the form and we keep the same form as BHS. Copy 3 אִ֣ם הַכֹּהֵ֧ן הַמָּשִׁ֛יחַ יֶחֱטָ֖א לְאַשְׁמַ֣ת הָעָ֑ם וְהִקְרִ֡יב עַ֣ל חַטָּאתוֹ֩ אֲשֶׁ֨ר חָטָ֜א פַּ֣ר בֶּן ־ בָּקָ֥ר תָּמִ֛ים לַיהוָ֖ה לְחַטָּֽאת ׃ Copy 4 וְהֵבִ֣יא אֶת ־ הַפָּ֗ר אֶל ־ פֶּ֛תַח אֹ֥הֶל מוֹעֵ֖ד לִפְנֵ֣י יְהוָ֑ה וְסָמַ֤ךְ אֶת ־ יָדוֹ֙ עַל ־ רֹ֣אשׁ הַפָּ֔ר וְשָׁחַ֥ט אֶת ־ הַפָּ֖ר לִפְנֵ֥י יְהוָֽה ׃ Copy 5 וְלָקַ֛ח הַכֹּהֵ֥ן הַמָּשִׁ֖יחַ מִדַּ֣ם הַפָּ֑ר וְהֵבִ֥יא אֹת֖וֹ אֶל ־ אֹ֥הֶל מוֹעֵֽד ׃ Copy 6 וְטָבַ֧ל הַכֹּהֵ֛ן אֶת ־ אֶצְבָּע֖וֹ בַּדָּ֑ם וְהִזָּ֨ה מִן ־ הַדָּ֜ם שֶׁ֤בַע פְּעָמִים֙ לִפְנֵ֣י יְהוָ֔ה אֶת ־ פְּנֵ֖י פָּרֹ֥כֶת הַקֹּֽדֶשׁ ׃ Copy 7 וְנָתַן֩ הַכֹּהֵ֨ן מִן ־ הַדָּ֜ם עַל ־ קַ֠רְנוֹת מִזְבַּ֨ח קְטֹ֤רֶת הַסַּמִּים֙ לִפְנֵ֣י יְהוָ֔ה אֲשֶׁ֖ר בְּאֹ֣הֶל מוֹעֵ֑ד וְאֵ֣ת ׀ כָּל ־ דַּ֣ם הַפָּ֗ר יִשְׁפֹּךְ֙ אֶל ־ יְסוֹד֙ מִזְבַּ֣ח הָעֹלָ֔ה אֲשֶׁר ־ פֶּ֖תַח אֹ֥הֶל מוֹעֵֽד ׃ Copy 8 וְאֶת ־ כָּל ־ חֵ֛לֶב פַּ֥ר הַֽחַטָּ֖את יָרִ֣ים מִמֶּ֑נּוּ אֶת ־ הַחֵ֨לֶב֙ הַֽמְכַסֶּ֣ה עַל ־ הַקֶּ֔רֶב וְאֵת֙ כָּל ־ הַחֵ֔לֶב אֲשֶׁ֖ר עַל ־ הַקֶּֽרֶב ׃ Copy 9 וְאֵת֙ שְׁתֵּ֣י הַכְּלָיֹ֔ת וְאֶת ־ הַחֵ֨לֶב֙ אֲשֶׁ֣ר עֲלֵיהֶ֔ן אֲשֶׁ֖ר עַל ־ הַכְּסָלִ֑ים וְאֶת ־ הַיֹּתֶ֨רֶת֙ עַל ־ הַכָּבֵ֔ד עַל ־ הַכְּלָי֖וֹת יְסִירֶֽנָּה ׃ Copy 10 כַּאֲשֶׁ֣ר יוּרַ֔ם מִשּׁ֖וֹר זֶ֣בַח הַשְּׁלָמִ֑ים וְהִקְטִירָם֙ הַכֹּהֵ֔ן עַ֖ל מִזְבַּ֥ח הָעֹלָֽה ׃ Copy 11 וְאֶת ־ ע֤וֹר הַפָּר֙ וְאֶת ־ כָּל ־ בְּשָׂר֔וֹ עַל ־ רֹאשׁ֖וֹ וְעַל ־ כְּרָעָ֑יו וְקִרְבּ֖וֹ וּפִרְשֽׁוֹ ׃ Copy 12 וְהוֹצִ֣יא אֶת ־ כָּל ־ הַ֠פָּר אֶל ־ מִח֨וּץ לַֽמַּחֲנֶ֜ה אֶל ־ מָק֤וֹם טָהוֹר֙ אֶל ־ שֶׁ֣פֶךְ הַדֶּ֔שֶׁן וְשָׂרַ֥ף אֹת֛וֹ עַל ־ עֵצִ֖ים בָּאֵ֑שׁ עַל ־ שֶׁ֥פֶךְ הַדֶּ֖שֶׁן יִשָּׂרֵֽף ׃ פ Copy 13 וְאִ֨ם כָּל ־ עֲדַ֤ת יִשְׂרָאֵל֙ יִשְׁגּ֔וּ וְנֶעְלַ֣ם דָּבָ֔ר מֵעֵינֵ֖י הַקָּהָ֑ל וְ֠עָשׂוּ אַחַ֨ת מִכָּל ־ מִצְוֺ֧ת יְהוָ֛ה אֲשֶׁ֥ר לֹא ־ תֵעָשֶׂ֖ינָה וְאָשֵֽׁמוּ ׃ Copy 14 וְנֽוֹדְעָה֙ הַֽחַטָּ֔את אֲשֶׁ֥ר חָטְא֖וּ עָלֶ֑יהָ וְהִקְרִ֨יבוּ הַקָּהָ֜ל פַּ֤ר בֶּן ־ בָּקָר֙ לְחַטָּ֔את וְהֵבִ֣יאוּ אֹת֔וֹ לִפְנֵ֖י אֹ֥הֶל מוֹעֵֽד ׃ Copy 15 וְ֠סָמְכוּ זִקְנֵ֨י הָעֵדָ֧ה אֶת ־ יְדֵיהֶ֛ם עַל ־ רֹ֥אשׁ הַפָּ֖ר לִפְנֵ֣י יְהוָ֑ה וְשָׁחַ֥ט אֶת ־ הַפָּ֖ר לִפְנֵ֥י יְהוָֽה ׃ Copy 16 וְהֵבִ֛יא הַכֹּהֵ֥ן הַמָּשִׁ֖יחַ מִדַּ֣ם הַפָּ֑ר אֶל ־ אֹ֖הֶל מוֹעֵֽד ׃ Copy 17 וְטָבַ֧ל הַכֹּהֵ֛ן אֶצְבָּע֖וֹ מִן ־ הַדָּ֑ם וְהִזָּ֞ה שֶׁ֤בַע פְּעָמִים֙ לִפְנֵ֣י יְהוָ֔ה אֵ֖ת פְּנֵ֥י הַפָּרֹֽכֶת ׃ Copy 18 וּמִן ־ הַדָּ֞ם יִתֵּ֣ן ׀ עַל ־ קַרְנֹ֣ת הַמִּזְבֵּ֗חַ אֲשֶׁר֙ לִפְנֵ֣י יְהוָ֔ה אֲשֶׁ֖ר בְּאֹ֣הֶל מוֹעֵ֑ד וְאֵ֣ת כָּל ־ הַדָּ֗ם יִשְׁפֹּךְ֙ אֶל ־ יְסוֹד֙ מִזְבַּ֣ח הָעֹלָ֔ה אֲשֶׁר ־ פֶּ֖תַח אֹ֥הֶל מוֹעֵֽד ׃ Copy 19 וְאֵ֥ת כָּל ־ חֶלְבּ֖וֹ יָרִ֣ים מִמֶּ֑נּוּ וְהִקְטִ֖יר הַמִּזְבֵּֽחָה ׃ Copy 20 וְעָשָׂ֣ה לַפָּ֔ר כַּאֲשֶׁ֤ר עָשָׂה֙ לְפַ֣ר הַֽחַטָּ֔את כֵּ֖ן יַעֲשֶׂה ־ לּ֑וֹ וְכִפֶּ֧ר עֲלֵהֶ֛ם הַכֹּהֵ֖ן וְנִסְלַ֥ח לָהֶֽם ׃ Copy 21 וְהוֹצִ֣יא אֶת ־ הַפָּ֗ר אֶל ־ מִחוּץ֙ לַֽמַּחֲנֶ֔ה וְשָׂרַ֣ף אֹת֔וֹ כַּאֲשֶׁ֣ר שָׂרַ֔ף אֵ֖ת הַפָּ֣ר הָרִאשׁ֑וֹן חַטַּ֥את הַקָּהָ֖ל הֽוּא ׃ פ Copy 22 אֲשֶׁ֥ר נָשִׂ֖יא יֶֽחֱטָ֑א וְעָשָׂ֡ה אַחַ֣ת מִכָּל ־ מִצְוֺת֩ יְהוָ֨ה אֱלֹהָ֜יו אֲשֶׁ֧ר לֹא ־ תֵעָשֶׂ֛ינָה בִּשְׁגָגָ֖ה וְאָשֵֽׁם ׃ Copy 23 אֽוֹ ־ הוֹדַ֤ע אֵלָיו֙ חַטָּאת֔וֹ אֲשֶׁ֥ר חָטָ֖א בָּ֑הּ וְהֵבִ֧יא אֶת ־ קָרְבָּנ֛וֹ שְׂעִ֥יר עִזִּ֖ים זָכָ֥ר תָּמִֽים ׃ Copy 24 וְסָמַ֤ךְ יָדוֹ֙ עַל ־ רֹ֣אשׁ הַשָּׂעִ֔יר וְשָׁחַ֣ט אֹת֔וֹ בִּמְק֛וֹם אֲשֶׁר ־ יִשְׁחַ֥ט אֶת ־ הָעֹלָ֖ה לִפְנֵ֣י יְהוָ֑ה חַטָּ֖את הֽוּא ׃ Copy 25 וְלָקַ֨ח הַכֹּהֵ֜ן מִדַּ֤ם הַֽחַטָּאת֙ בְּאֶצְבָּע֔וֹ וְנָתַ֕ן עַל ־ קַרְנֹ֖ת מִזְבַּ֣ח הָעֹלָ֑ה וְאֶת ־ דָּמ֣וֹ יִשְׁפֹּ֔ךְ אֶל ־ יְס֖וֹד מִזְבַּ֥ח הָעֹלָֽה ׃ Copy 26 וְאֶת ־ כָּל ־ חֶלְבּוֹ֙ יַקְטִ֣יר הַמִּזְבֵּ֔חָה כְּחֵ֖לֶב זֶ֣בַח הַשְּׁלָמִ֑ים וְכִפֶּ֨ר עָלָ֧יו הַכֹּהֵ֛ן מֵחַטָּאת֖וֹ וְנִסְלַ֥ח לֽוֹ ׃ פ Copy 27 וְאִם ־ נֶ֧פֶשׁ אַחַ֛ת תֶּחֱטָ֥א בִשְׁגָגָ֖ה מֵעַ֣ם הָאָ֑רֶץ בַּ֠עֲשֹׂתָהּ אַחַ֨ת מִמִּצְוֺ֧ת יְהוָ֛ה אֲשֶׁ֥ר לֹא ־ תֵעָשֶׂ֖ינָה וְאָשֵֽׁם ׃ Copy 28 א֚וֹ הוֹדַ֣ע אֵלָ֔יו חַטָּאת֖וֹ אֲשֶׁ֣ר חָטָ֑א וְהֵבִ֨יא קָרְבָּנ֜וֹ שְׂעִירַ֤ת עִזִּים֙ תְּמִימָ֣ה נְקֵבָ֔ה עַל ־ חַטָּאת֖וֹ אֲשֶׁ֥ר חָטָֽא ׃ Copy 29 וְסָמַךְ֙ אֶת ־ יָד֔וֹ עַ֖ל רֹ֣אשׁ הַֽחַטָּ֑את וְשָׁחַט֙ אֶת ־ הַ֣חַטָּ֔את בִּמְק֖וֹם הָעֹלָֽה ׃ Copy 30 וְלָקַ֨ח הַכֹּהֵ֤ן מִדָּמָהּ֙ בְּאֶצְבָּע֔וֹ וְנָתַ֕ן עַל ־ קַרְנֹ֖ת מִזְבַּ֣ח הָעֹלָ֑ה וְאֶת ־ כָּל ־ דָּמָ֣הּ יִשְׁפֹּ֔ךְ אֶל ־ יְס֖וֹד הַמִּזְבֵּֽחַ ׃ Copy 31 וְאֶת ־ כָּל ־ חֶלְבָּ֣הּ יָסִ֗יר כַּאֲשֶׁ֨ר הוּסַ֣ר חֵלֶב֮ מֵעַ֣ל זֶ֣בַח הַשְּׁלָמִים֒ וְהִקְטִ֤יר הַכֹּהֵן֙ הַמִּזְבֵּ֔חָה לְרֵ֥יחַ נִיחֹ֖חַ לַיהוָ֑ה וְכִפֶּ֥ר עָלָ֛יו הַכֹּהֵ֖ן וְנִסְלַ֥ח לֽוֹ ׃ פ Copy 32 וְאִם ־ כֶּ֛בֶשׂ יָבִ֥יא קָרְבָּנ֖וֹ לְחַטָּ֑את נְקֵבָ֥ה תְמִימָ֖ה יְבִיאֶֽנָּה ׃ Copy 33 וְסָמַךְ֙ אֶת ־ יָד֔וֹ עַ֖ל רֹ֣אשׁ הַֽחַטָּ֑את וְשָׁחַ֤ט אֹתָהּ֙ לְחַטָּ֔את בִּמְק֕וֹם אֲשֶׁ֥ר יִשְׁחַ֖ט אֶת ־ הָעֹלָֽה ׃ Copy 34 וְלָקַ֨ח הַכֹּהֵ֜ן מִדַּ֤ם הַֽחַטָּאת֙ בְּאֶצְבָּע֔וֹ וְנָתַ֕ן עַל ־ קַרְנֹ֖ת מִזְבַּ֣ח הָעֹלָ֑ה וְאֶת ־ כָּל ־ דָּמָ֣הּ יִשְׁפֹּ֔ךְ אֶל ־ יְס֖וֹד הַמִּזְבֵּֽחַ ׃ Copy 35 וְאֶת ־ כָּל ־ חֶלְבָּ֣ה יָסִ֗יר כַּאֲשֶׁ֨ר יוּסַ֥ר חֵֽלֶב ־ הַכֶּשֶׂב֮ מִזֶּ֣בַח הַשְּׁלָמִים֒ וְהִקְטִ֨יר הַכֹּהֵ֤ן אֹתָם֙ הַמִּזְבֵּ֔חָה עַ֖ל אִשֵּׁ֣י יְהוָ֑ה וְכִפֶּ֨ר עָלָ֧יו הַכֹּהֵ֛ן עַל ־ חַטָּאת֥וֹ אֲשֶׁר ־ חָטָ֖א וְנִסְלַ֥ח לֽוֹ ׃ פ Copy
