Skip to main content
Bible Study Resources › Translations › Leviticus 9 Text size 19px Width Narrow Wide Theme Light Sepia Dark Save settings Highlight selection Add note Annotate selection
Save reading position
Bible Reader
Leviticus 9 Open Scriptures Hebrew Bible
Work Genesis Exodus Leviticus Numbers Deuteronomy Joshua Judges Ruth 1 Samuel 2 Samuel 1 Kings 2 Kings 1 Chronicles 2 Chronicles Ezra Nehemiah Esther Job Psalms Proverbs Ecclesiastes Song Of Solomon Isaiah Jeremiah Lamentations Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
Close Section Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27
Leviticus 9 1 וַיְהִי֙ בַּיּ֣וֹם הַשְּׁמִינִ֔י קָרָ֣א מֹשֶׁ֔ה לְאַהֲרֹ֖ן וּלְבָנָ֑יו וּלְזִקְנֵ֖י יִשְׂרָאֵֽל ׃ Copy 2 וַיֹּ֣אמֶר אֶֽל ־ אַהֲרֹ֗ן קַח ־ לְ֠ךָ עֵ֣גֶל בֶּן ־ בָּקָ֧ר לְחַטָּ֛את וְאַ֥יִל לְעֹלָ֖ה תְּמִימִ֑ם וְהַקְרֵ֖ב לִפְנֵ֥י יְהוָֽה ׃ Copy 3 וְאֶל ־ בְּנֵ֥י יִשְׂרָאֵ֖ל תְּדַבֵּ֣ר לֵאמֹ֑ר קְח֤וּ שְׂעִיר ־ עִזִּים֙ לְחַטָּ֔את וְעֵ֨גֶל וָכֶ֧בֶשׂ בְּנֵי ־ שָׁנָ֛ה תְּמִימִ֖ם לְעֹלָֽה ׃ Copy 4 וְשׁ֨וֹר וָאַ֜יִל לִשְׁלָמִ֗ים לִזְבֹּ֨חַ֙ לִפְנֵ֣י יְהוָ֔ה וּמִנְחָ֖ה בְּלוּלָ֣ה בַשָּׁ֑מֶן כִּ֣י הַיּ֔וֹם יְהוָ֖ה נִרְאָ֥ה אֲלֵיכֶֽם ׃ Copy 5 וַיִּקְח֗וּ אֵ֚ת אֲשֶׁ֣ר צִוָּ֣ה מֹשֶׁ֔ה אֶל ־ פְּנֵ֖י אֹ֣הֶל מוֹעֵ֑ד וַֽיִּקְרְבוּ֙ כָּל ־ הָ֣עֵדָ֔ה וַיַּֽעַמְד֖וּ לִפְנֵ֥י יְהוָֽה ׃ Copy 6 וַיֹּ֣אמֶר מֹשֶׁ֔ה זֶ֧ה הַדָּבָ֛ר אֲשֶׁר ־ צִוָּ֥ה יְהוָ֖ה תַּעֲשׂ֑וּ וְיֵרָ֥א אֲלֵיכֶ֖ם כְּב֥וֹד יְהוָֽה ׃ Copy 7 וַיֹּ֨אמֶר מֹשֶׁ֜ה אֶֽל ־ אַהֲרֹ֗ן קְרַ֤ב אֶל ־ הַמִּזְבֵּ֨חַ֙ וַעֲשֵׂ֞ה אֶת ־ חַטָּֽאתְךָ֙ וְאֶת ־ עֹ֣לָתֶ֔ךָ וְכַפֵּ֥ר בַּֽעַדְךָ֖ וּבְעַ֣ד הָעָ֑ם וַעֲשֵׂ֞ה אֶת ־ קָרְבַּ֤ן הָעָם֙ וְכַפֵּ֣ר בַּֽעֲדָ֔ם כַּאֲשֶׁ֖ר צִוָּ֥ה יְהוָֽה ׃ Copy 8 וַיִּקְרַ֥ב אַהֲרֹ֖ן אֶל ־ הַמִּזְבֵּ֑חַ וַיִּשְׁחַ֛ט אֶת ־ עֵ֥גֶל הַחַטָּ֖את אֲשֶׁר ־ לֽוֹ ׃ Copy 9 וַ֠יַּקְרִבוּ בְּנֵ֨י אַהֲרֹ֣ן אֶת ־ הַדָּם֮ אֵלָיו֒ וַיִּטְבֹּ֤ל אֶצְבָּעוֹ֙ בַּדָּ֔ם וַיִּתֵּ֖ן עַל ־ קַרְנ֣וֹת הַמִּזְבֵּ֑חַ וְאֶת ־ הַדָּ֣ם יָצַ֔ק אֶל ־ יְס֖וֹד הַמִּזְבֵּֽחַ ׃ Copy 10 וְאֶת ־ הַחֵ֨לֶב וְאֶת ־ הַכְּלָיֹ֜ת וְאֶת ־ הַיֹּתֶ֤רֶת מִן ־ הַכָּבֵד֙ מִן ־ הַ֣חַטָּ֔את הִקְטִ֖יר הַמִּזְבֵּ֑חָה כַּאֲשֶׁ֛ר צִוָּ֥ה יְהוָ֖ה אֶת ־ מֹשֶֽׁה ׃ Copy 11 וְאֶת ־ הַבָּשָׂ֖ר וְאֶת ־ הָע֑וֹר שָׂרַ֣ף בָּאֵ֔שׁ מִח֖וּץ לַֽמַּחֲנֶֽה ׃ Copy 12 וַיִּשְׁחַ֖ט אֶת ־ הָעֹלָ֑ה וַ֠יַּמְצִאוּ בְּנֵ֨י אַהֲרֹ֤ן אֵלָיו֙ אֶת ־ הַדָּ֔ם וַיִּזְרְקֵ֥הוּ עַל ־ הַמִּזְבֵּ֖חַ סָבִֽיב ׃ Copy 13 וְאֶת ־ הָעֹלָ֗ה הִמְצִ֧יאוּ אֵלָ֛יו לִנְתָחֶ֖יהָ וְאֶת ־ הָרֹ֑אשׁ וַיַּקְטֵ֖ר עַל ־ הַמִּזְבֵּֽחַ ׃ Copy 14 וַיִּרְחַ֥ץ אֶת ־ הַקֶּ֖רֶב וְאֶת ־ הַכְּרָעָ֑יִם וַיַּקְטֵ֥ר עַל ־ הָעֹלָ֖ה הַמִּזְבֵּֽחָה ׃ Copy 15 וַיַּקְרֵ֕ב אֵ֖ת קָרְבַּ֣ן הָעָ֑ם וַיִּקַּ֞ח אֶת ־ שְׂעִ֤יר הַֽחַטָּאת֙ אֲשֶׁ֣ר לָעָ֔ם וַיִּשְׁחָטֵ֥הוּ וַֽיְחַטְּאֵ֖הוּ כָּרִאשֽׁוֹן ׃ Copy 16 וַיַּקְרֵ֖ב אֶת ־ הָעֹלָ֑ה וַֽיַּעֲשֶׂ֖הָ כַּמִּשְׁפָּֽט ׃ Copy 17 וַיַּקְרֵב֮ אֶת ־ הַמִּנְחָה֒ וַיְמַלֵּ֤א כַפּוֹ֙ מִמֶּ֔נָּה וַיַּקְטֵ֖ר עַל ־ הַמִּזְבֵּ֑חַ מִלְּבַ֖ד עֹלַ֥ת הַבֹּֽקֶר ׃ Copy 18 וַיִּשְׁחַ֤ט אֶת ־ הַשּׁוֹר֙ וְאֶת ־ הָאַ֔יִל זֶ֥בַח הַשְּׁלָמִ֖ים אֲשֶׁ֣ר לָעָ֑ם וַ֠יַּמְצִאוּ בְּנֵ֨י אַהֲרֹ֤ן אֶת ־ הַדָּם֙ אֵלָ֔יו וַיִּזְרְקֵ֥הוּ עַל ־ הַמִּזְבֵּ֖חַ סָבִֽיב ׃ Copy 19 וְאֶת ־ הַחֲלָבִ֖ים מִן ־ הַשּׁ֑וֹר וּמִן ־ הָאַ֔יִל הָֽאַלְיָ֤ה וְהַֽמְכַסֶּה֙ וְהַכְּלָיֹ֔ת וְיֹתֶ֖רֶת הַכָּבֵֽד ׃ Copy 20 וַיָּשִׂ֥ימוּ אֶת ־ הַחֲלָבִ֖ים עַל ־ הֶחָז֑וֹת וַיַּקְטֵ֥ר הַחֲלָבִ֖ים הַמִּזְבֵּֽחָה ׃ Copy 21 וְאֵ֣ת הֶחָז֗וֹת וְאֵת֙ שׁ֣וֹק הַיָּמִ֔ין הֵנִ֧יף אַהֲרֹ֛ן תְּנוּפָ֖ה לִפְנֵ֣י יְהוָ֑ה כַּאֲשֶׁ֖ר צִוָּ֥ה מֹשֶֽׁה ׃ Copy 22 וַיִּשָּׂ֨א אַהֲרֹ֧ן אֶת ־ ידו אֶל ־ הָעָ֖ם וַֽיְבָרְכֵ֑ם וַיֵּ֗רֶד מֵעֲשֹׂ֧ת הַֽחַטָּ֛את וְהָעֹלָ֖ה וְהַשְּׁלָמִֽים ׃ 1 Written form / alternate reading: יד / ו / Reading: יָדָ֛י / ו Copy 23 וַיָּבֹ֨א מֹשֶׁ֤ה וְאַהֲרֹן֙ אֶל ־ אֹ֣הֶל מוֹעֵ֔ד וַיֵּ֣צְא֔וּ וַֽיְבָרֲכ֖וּ אֶת ־ הָעָ֑ם וַיֵּרָ֥א כְבוֹד ־ יְהוָ֖ה אֶל ־ כָּל ־ הָעָֽם ׃ Copy 24 וַתֵּ֤צֵא אֵשׁ֙ מִלִּפְנֵ֣י יְהוָ֔ה וַתֹּ֨אכַל֙ עַל ־ הַמִּזְבֵּ֔חַ אֶת ־ הָעֹלָ֖ה וְאֶת ־ הַחֲלָבִ֑ים וַיַּ֤רְא כָּל ־ הָעָם֙ וַיָּרֹ֔נּוּ וַֽיִּפְּל֖וּ עַל ־ פְּנֵיהֶֽם ׃ Copy
